டாடா படத்தை வருகிற ஜனவரி 26-ந் தேதி குடியரசு தினத்தன்று ரிலீஸ் செய்ய திட்டமிட்ட படக்குழு, தற்போது திடீரென ரிலீஸ் தேதியை மாற்றி உள்ளது.
பிக்பாஸ் நிகழ்ச்சி மூலம் பிரபலமானவர் கவின். அந்நிகழ்ச்சிக்கு பின் இவருக்கு சினிமாவில் பட வாய்ப்புகள் குவிந்த வண்ணம் உள்ளன. அந்த வகையில் பிக்பாஸுக்கு பின் இவர் நடித்த முதல் படம் லிப்ட். இப்படம் கடந்த 2021-ம் ஆண்டு நேரடியாக ஓடிடியில் வெளியாகி நல்ல வரவேற்பை பெற்றது. இப்படத்துக்கு பின் அவர் ஹீரோவாக நடிக்க கமிட் ஆன படம் டாடா.
கணேஷ் கே பாபு இயக்கியுள்ள இப்படத்தை ஒலிம்பியா நிறுவனம் சார்பில் அம்பேத் குமார் தயாரித்துள்ளார். இப்படத்தில் கவினுக்கு ஜோடியாக பீஸ்ட் பட நடிகை அபர்ணா தாஸ் நடித்திருக்கிறார். மலையாள நடிகையான இவர் தமிழில் ஹீரோயினாக அறிமுகமாகும் முதல் படம் இதுவாகும். ரொமாண்டிக் காமெடி திரைப்படமான இதன் வெளியீட்டு உரிமையை ரெட் ஜெயண்ட் நிறுவனம் கைப்பற்றி உள்ளது.
இதையும் படியுங்கள்... முதல் படமே எடுக்கல, அதற்குள் 2-வது படத்துக்கு பூஜையா? கிரவுடு ஃபண்டிங் பணம் என்னாச்சு? கோபி, சுதாகர் விளக்கம்
டாடா படத்தை வருகிற ஜனவரி 26-ந் தேதி குடியரசு தினத்தன்று ரிலீஸ் செய்ய திட்டமிட்ட படக்குழு அதுகுறித்த அறிவிப்பையும் கடந்த மாதம் வெளியிட்டு இருந்தது. இந்நிலையில், தற்போது அப்படத்தின் ரிலீஸ் தேதியை திடீரென மாற்றி உள்ளது படக்குழு. வருகிற பிப்ரவரி 10-ந் தேதி டாடா படம் ரிலீஸ் செய்யப்படும் என தற்போது அறிவிப்பு வெளியிட்டுள்ளனர்.
டாடா படத்தின் ரிலீஸ் தேதி மாற்றப்பட்டதற்கு துணிவு மற்றும் வாரிசு படங்களும் ஒரு காரணமாக கூறப்படுகிறது. பொங்கலுக்கு ரிலீஸான இந்த இரண்டு படங்களும் இரண்டு வாரங்களைக் கடந்தும் மவுசு குறையாமல் தியேட்டர்களில் ஓடி வருவதால், டாடா படத்தின் ரிலீஸ் தேதியை பிப்ரவரி 10-ந் தேதிக்கு மாற்றி வைத்துள்ளதாக கோலிவுட் வட்டாரத்தில் பேச்சு அடிபடுகிறது.
இதையும் படியுங்கள்... கதாநாயகி ஆனதும் கூடிய அழகு... இளசுகளை கவர்ந்திழுக்கும் குட்டி நயன் அனிகாவின் அசத்தல் போட்டோஸ்!