பிக்பாஸ் சீசன் 8 போட்டியாளர் ரஞ்சித்துக்கு எம்.ஜி.ஆர் வைத்த உண்மையான பெயர் என்ன தெரியுமா?

பிக்பாஸ் தமிழ் சீசன் 8 நிகழ்ச்சியில் கலந்து கொண்டுள்ள, போட்டியாளர் ரஞ்சித் தனக்கு எம்.ஜி.ஆர் வைத்த உண்மையான பெயர் குறித்து முதல் முறையாக பேசியுள்ளார். அந்த வீடியோ வைரலாகி வருகிறது.  

Bigg Boss Tamil season 8 Ranjith

விஜய் டிவி தொலைக்காட்சியில் கடந்த மாதம் அக்டோபர் 6-ஆம் தேதி துவங்கப்பட்ட பிக்பாஸ் நிகழ்ச்சி, ஒரு மாதத்தை எட்ட உள்ள நிலையில்.. போட்டியாளர்களும் தங்களை நிகழ்ச்சியில் நிறுத்திக் கொள்ளவும், மக்கள் மனதில் இடம்பிடிக்கவும், போட்டி போட்டு விளையாடி வருகின்றனர்.

ஆரம்பத்தில் நிகழ்ச்சி சுவாரஸ்யம் இல்லை என பிக்பாஸ் சீசன் 8, ரசிகர்கள் மற்றும் மக்கள் மத்தியில், கடுமையான விமர்சனத்தை எதிர்கொண்ட நிலையில், தற்போது பிக்பாஸ் விதவிதமான டாஸ்க்களை கொடுத்து நிகழ்ச்சியை சுவாரஸ்யமாக மாற்றி உள்ளார். சில டாஸ்குகள் கடினமாக இருந்தாலும், அதனை பெண் போட்டியாளர்கள் எதிர்கொள்ளும் விதம் சுவாரஸ்யத்தை உச்சம் என கூறலாம்.

Ranjith Original name

குறிப்பாக கடந்த வாரம் ஆண் போட்டியாளர்கள் மற்றும் பெண் போட்டியாளர்களுக்கு இடையே நடந்த மல்யுத்த போட்டி, சென்சேஷனலாக பேசப்பட்டது. விஜய் சேதுபதி இது விளையாட்டாக இருந்தாலும் ஆண் போட்டியாளர்கள் மனிதத் தன்மையோடு நடந்து கொள்ள வேண்டும், எப்போதும் அதை மறந்து விடக்கூடாது என ஆண் போட்டியாளர்கள் சிலரை வெளுத்து வாங்கியது பாராட்டுகளை பெற்றது. இதன் மூலம் ஒருவருக்கு வெற்றி மட்டுமே இலக்காக இருக்க கூடாது, அந்த வெற்றியை கூட.. மனித தன்மையோடு பெற வேண்டும் என்பதை புரிய வைத்தார்.

Senthil Kumar is Ranjith Name

இப்படி பல விஷயங்களில் விஜய் சேதுபதி கமல்ஹாசனை விட சிறப்பான பார்வையோடு அணுகுவதாக ரசிகர்கள் கூறி வருவது, விஜய் சேதுபதி மீதான நம்பிக்கையை கூட்டி உள்ளது. இந்நிலையில் கடந்து வாரம் பிக் பாஸ் வீட்டில் இருந்து பிரபல நடிகை தர்ஷா குப்தா வெளியேறிய நிலையில், தற்போது 15 போட்டியாளர்கள் விளையாடி வருகின்றனர். இந்த 15 பேரும், தீபாவளியை முன்னிட்டு பிக் பாஸ் போட்டியாளர்களை உற்சாகப்படுத்த  சிவகார்த்திகேயன் சில தினங்களுக்கு முன் பிக்பாஸ் வீட்டின் உள்ளே சென்ற நிலையில், நேற்றைய தினம் கவின் உள்ளே சென்றார். அதே போல் தீபாவளி சிறப்பு கொண்டாட்டமாக ஒளிபரப்பான நிகழ்ச்சியில் போட்டியாளர்களின் ட்ரெஸ்ஸிங் முதல் கொண்டு அனைத்துமே ரசிக்க வைத்தது.

Why Ranjith Changed Name

பிக்பாஸ் வீட்டுக்குள் வரும்போது அதிகம் கவனம் பெறாத போட்டியாளராக இருந்த ரஞ்சித், அமைதியாக விளையாடினாலும் தன்னுடைய நற்செயல்களால் அடுத்தடுத்து மக்கள் மற்றும் விஜய் சேதுபதி மத்தியில், நல்ல பெயரை பெற்று வருகிறார். எப்படியும் பைனல் வரை இவர் வருவதற்கு வாய்ப்புள்ளதாகவும் பார்க்கப்படுகிறது. இந்நிலையில் சுனிதா ரஞ்சித்திடம் உங்களுடைய நிஜமான பெயர் ரஞ்சித் தானா? என கேட்க, அதற்கு பொறுமையாக பக்கத்தில் வந்து என்னுடைய உண்மையான பெயர் ரஞ்சித் இல்லை. என்னுடைய பெயர் செந்தில் குமார். அந்த பெயரை எனக்கு வைத்தவர் MGR. அவர் முதலமைச்சராக இருந்த போது, எங்கள் கிராமத்திற்கு வந்தார். அப்போது என் அம்மா என்னை கையில் கொடுத்து பெயர் வைக்கும் படி சொல்ல, அவர் செந்தில் குமார் என பெயர் வைத்தார். என்னுடைய சர்டிபிகேட்டில் எல்லாம் செந்தில் குமார் என்று தான் இருக்கும். ரஞ்சித் என்பது நான் சினிமாவுக்காக வைத்தது என கூறியுள்ளார்.