நடிகர் ஆர்யா தன்னுடைய காதல் மனைவி சாயிஷா உடன் நான்காம் ஆண்டு திருமண நாளை மிகப்பிரமாண்டமாக கொண்டாடி உள்ளார். இது குறித்த புகைப்படங்கள் தற்போது சமூக வலைதளத்தில் வைரலாகி வருகிறது.
கோலிவுட் திரையுலகில், முன்னணி நடிகராக இருக்கும் ஆர்யா, கடந்த 2005 ஆம் ஆண்டு 'அறிந்தும் அறியாமலும்' திரைப்படத்தின் மூலம் அறிமுகமானவர். மேலும் அறிமுகமான முதல் படத்தில் சிறந்த அறிமுக நடிகருக்கான ஃபிலிம் ஃபார் விருதையும் பெற்றார். இதைத்தொடர்ந்து உள்ளம் கேட்குமே, ஒரு கல்லூரியின் காதல், கலாப காதலன், பட்டியல், வட்டாரம், ஓரம் போ, என ஒரே மாதிரியான கதைகளை தேர்வு செய்து நடிக்காமல் தன்னுடைய நடிப்பு பசிக்கு தீனி போடும் வகையில், திரைப்படங்களை தேர்வு செய்து நடித்தார்.
குறிப்பாக நான் கடவுள், அவன் இவன், மகாமுனி, போன்ற சவாலான கதாபாத்திரத்தில் ஆர்யா நடித்திருந்த போதிலும்... இயக்குனர் பா.ரஞ்சித் இயக்கத்தில், கடந்த 2020 ஆம் ஆண்டு வெளியான சார்பட்டா திரைப்படம் இவருக்கு மிகப்பெரிய திருப்புமுனையை ஏற்படுத்திய படமாக அமைந்தது.
ராதாரவி தலைமையில் இயங்கி வந்த டப்பிங் யூனியனுக்கு சீல் வைப்பு !
இப்படத்தை தொடர்ந்து அடுத்தடுத்து இவர் நடிப்பில் வெளியான, படங்கள் எதிர்பார்த்த அளவுக்கு வெற்றி பெறவில்லை என்றாலும்... தற்போது காதர் பாஷா என்கிற முத்துராமலிங்கம் மற்றும் சார்பட்டா ரவுண்டு 2 ஆகிய படங்களில் கவனம் செலுத்தி வருகிறார். சார்பட்டா படத்தின் முதல் பாகத்தின் வெற்றிக்கு மிகப்பெரிய வெற்றியடைந்த நிலையில், சார்பட்டா 2 திரைப்படத்தின் மீதான எதிர்பார்ப்பும் அதிகரித்துள்ளது.
இந்நிலையில் ஆர்யா, திரையுலகில் சில காதல் கிசுகிசுவில் சிக்கி இருந்தாலும்... ஒரு வழியாக 35 வயதை கடந்த பின்னர் தன்னுடன் கஜினிகாந்த், காப்பான், போன்ற படங்களில் இணைந்து நடித்த சாய்ஷாவை 2019 ஆம் ஆண்டு திருமணம் செய்து கொண்டார்.
இவர்களுடைய திருமணம் மிக பிரம்மாண்டமாக ஹைதராபாத்தில் நடந்த நிலையில், சென்னையில் வரவேற்பு நிகழ்ச்சியும் நடைபெற்றது. இதில் தமிழ் திரையுலகை சேர்ந்த பலர் கலந்து கொண்டு வாழ்த்தினர்.
தற்போது இந்த தம்பதிகளுக்கு அழகிய மகள் ஒருவரும் உள்ள நிலையில், ஆர்யா - சாயிஷா ஜோடி நேற்று தங்களுடைய நான்காவது ஆண்டு, திருமண நாளை கொண்டாடியுள்ளனர். திருமண நாளை செலிபிரேட் செய்யும் விதத்தில், குடும்ப நண்பர்களுக்கு பிரமாண்ட டின்னை வைக்கப்பட்டுள்ளது. இதில் கலந்து கொண்டபோது, எடுக்கப்பட்ட புகைப்படங்கள் சமூக வலைத்தளத்தில் வைரலாக பார்க்கப்பட்டு வருகிறது என்பது குறிப்பிடத்தக்கது.
சேனலை கிளிக் செய்து பின்தொடரவும்