புஷ்பா படத்தில் நாயகனாக நடித்த அல்லு அர்ஜுன், அப்படத்தின் இரண்டாம் பாகத்திற்காக டபுள் மடங்கு சம்பளம் வாங்கி உள்ளாராம்.
தெலுங்கு திரையுலகில் முன்னணி நடிகராக வலம் வருபவர் அல்லு அர்ஜுன். அவர் நடிப்பில் கடைசியாக ரிலீஸ் ஆன படம் புஷ்பா. கடந்த 2021-ம் ஆண்டு ரிலீஸ் ஆன அப்படத்தை சுகுமார் இயக்கி இருந்தார். இப்படத்தில் அல்லு அர்ஜுனுக்கு ஜோடியாக ராஷ்மிகா மந்தனா நடித்திருந்தார். இதுதவிர இப்படத்திற்காக நடிகை சமந்தா ஆடிய ஐட்டம் டான்ஸ் வேறலெவலில் ஹிட் ஆனதோடு, இன்றளவும் பட்டிதொட்டியெங்கும் பட்டைய கிளப்பி வருகிறது.
புஷ்பா திரைப்படம் பாக்ஸ் ஆபிஸிலும் அதிரிபுதிரியான வெற்றியை ருசித்தது. மைத்ரி மூவிஸ் நிறுவனம் தயாரித்த இப்படத்தின் முதல் பாகம் பாக்ஸ் ஆபிஸில் ரூ.350 கோடிக்கு மேல் வசூலித்து மாஸ் காட்டியது. புஷ்பா படத்தின் பிரம்மாண்ட வெற்றியை தொடர்ந்து தற்போது அப்படத்தின் இரண்டாம் பாகம் தயாராகி வருகிறது. முதல் பாகத்தைவிட பிரம்மாண்டமாக இப்படத்தை எடுத்து வருகின்றனர்.
புஷ்பா படத்தின் நாயகன் அல்லு அர்ஜுனின் பிறந்தநாளை முன்னிட்டு அண்மையில் புஷ்பா 2 படத்தின் மெர்சலான கிளிம்ப்ஸ் வீடியோவை படக்குழு வெளியிட்டு இருந்தது. அதோடு அல்லு அர்ஜுனின் சிறப்பு தோற்றம் அடங்கிய போஸ்டரும் வெளியாகி நல்ல வரவேற்பை பெற்றது. இதனால் புஷ்பா 2 படம் மீதான எதிர்பார்ப்பு மேலும் அதிகரித்து உள்ளது.
இதையும் படியுங்கள்... vadivelu : வடிவேலு நல்லா குடிப்பார்... அவர் வடிவேலு இல்ல குடிவேலு - பிரபல இயக்குனர் வெளியிட்ட பரபரப்பு தகவல்
இந்நிலையில் புஷ்பா 2 படத்திற்காக நடிகர் அல்லு அர்ஜுன் வாங்கியுள்ள சம்பள விவரம் வெளியாகி உள்ளது. புஷ்பா படத்தில் நடிப்பதற்காக ரூ.45 கோடி சம்பளமாக வாங்கிய அவர், அப்படத்தின் அதிரி புதிரியான வெற்றியை தொடர்ந்து அதன் இரண்டாம் பாகத்தில் நடிக்க சம்பளத்தை டபுள் மடங்காக உயர்த்தி விட்டாராம். அதன்படி புஷ்பா 2-விற்காக அவர் ரூ.85 கோடி சம்பளமாக வாங்கி உள்ளதாக கூறப்படுகிறது.
புஷ்பா படத்திற்கு பின் அல்லு அர்ஜுன் பான் இந்தியா ஸ்டாராக உயர்ந்துவிட்டதால் அவரின் மார்க்கெட்டும் இந்தியா முழுவதும் விரிவடைந்துள்ளது. இதன் காரணமாகவே அவர் சம்பளத்தை அதிரடியாக உயர்த்திவிட்டதாக கூறப்படுகிறது. புஷ்பா 2-வும் ஹிட் அடித்தால் அவரின் சம்பளம் ரூ.100 கோடியை தாண்டிவிடும் என டோலிவுட் வட்டாரத்தில் பேச்சு அடிபடுகிறது.
இதையும் படியுங்கள்... ஹாலிவுட் ஹீரோவை போல் மிரட்டும் அருண் விஜய்! ரசிகர்களின் வரவேற்பை பெற்று வரும் 'அச்சம் என்பது இல்லையே' டீசர்!