Raaka Movie : அல்லு அர்ஜுன் - அட்லீ கூட்டணியில் உருவாகும் 'ராக்கா' படத்தை இரண்டு பாகங்களாக எடுக்க அட்லீ திட்டமிட்டுள்ளதாக ஒரு தகவல் தீயாய் பரவுகிறது. அதைப்பற்றி பார்க்கலாம்.
ஐகான் ஸ்டார் அல்லு அர்ஜுன் மற்றும் இயக்குநர் அட்லீ கூட்டணியில் உருவாகும் 'ராக்கா' படம் பற்றி ஒரு செம அப்டேட் பரவி வருகிறது. இந்த படத்தை இரண்டு பாகங்களாக எடுக்க படக்குழு திட்டமிட்டுள்ளதாம். இதில் இரண்டு வெவ்வேறு உலகங்கள் மற்றும் காலக்கட்டங்களின் கதைகள் இருக்குமாம். இந்த பிரம்மாண்ட படத்தின் பட்ஜெட் சுமார் 1000 கோடி ரூபாய்க்கும் மேல் என்கிறார்கள். இது உண்மையானால், இந்திய சினிமா வரலாற்றிலேயே காஸ்ட்லி பட்ஜெட் படங்களில் ஒன்றாக 'ராக்கா' இடம்பெறும்.
கிடைத்த தகவல்களின்படி, 'ராக்கா' படத்தின் கதை இரண்டு வெவ்வேறு காலக்கட்டங்களில் நடக்குமாம். ஒன்று, புராண காலத்தைச் சேர்ந்த பழங்குடி பின்னணி கதை. மற்றொன்று, தற்போதைய நவீன காலக்கட்ட கதை. இந்த இரண்டு காலக்கட்ட கதைகளும் ஒன்றுக்கொன்று தொடர்புடையதாக இருக்கும் என்றும், படத்தின் முக்கிய முடிச்சை இது அவிழ்க்கும் என்றும் கூறப்படுகிறது. கதையை இரண்டு பாகங்களாக பிரிப்பதால், கதாபாத்திரங்கள், விஷுவல்ஸ் மற்றும் கதைக்களத்தை இன்னும் விரிவாக சொல்ல அட்லீ மற்றும் அவரது குழுவுக்கு வாய்ப்பு கிடைக்கும்.
'ராக்கா' படத்தில் ஹீரோயின்களின் ரோல் இரண்டு காலக்கட்டங்களுக்கு ஏற்ப பிரிக்கப்பட்டுள்ளதாகக் கூறப்படுகிறது. நவீன காலக்கட்ட கதையில் மிருணாள் தாக்கூர் நடிக்க, வரலாற்று காலக்கட்ட கதையில் தீபிகா படுகோன், ஜான்வி கபூர் மற்றும் ராஷ்மிகா மந்தனா ஆகியோரின் பெயர்கள் அடிபடுகின்றன. ஆனால், அவர்களின் கதாபாத்திரங்கள் பற்றிய விவரங்கள் இன்னும் வெளியாகவில்லை. இந்த இரண்டு காலக்கட்ட கதைகளையும் இணைக்கும் முக்கிய கதாபாத்திரத்தில் அல்லு அர்ஜுன் நடிப்பதாக கூறப்படுகிறது.
'ராக்கா' படம் பற்றி வரும் செய்திகளில் அனைவரையும் அதிகம் கவர்ந்தது ஷாரூக் கானின் கெஸ்ட் ரோல் தான். ஆனால், இந்த சூப்பர் ஸ்டார் தொடர்பான முக்கிய காட்சிகளின் படப்பிடிப்பு இன்னும் நடக்கவில்லை என்று தெரிகிறது. வெளிநாட்டில் நடக்கவிருக்கும் ஷெட்யூலில் இந்த கேமியோவை படமாக்க உள்ளதாகக் கூறப்படுகிறது. ஆனால், அந்த லொகேஷன் எங்கே, காட்சி எப்படி இருக்கும் என்பது போன்ற விவரங்கள் ரகசியமாக வைக்கப்பட்டுள்ளன.
55
சைலண்டாக இருக்கும் படக்குழு
படம் மீது இவ்வளவு டாக்ஸ் இருந்தாலும், இதை இரண்டு பாகங்களாக எடுக்கிறார்கள் என்பது குறித்து தயாரிப்பாளர்களிடமிருந்து எந்த அதிகாரப்பூர்வ அறிவிப்பும் வரவில்லை. பட்ஜெட், கதைக்களம், மற்ற நடிகர்கள் குறித்தும் படக்குழு இதுவரை வாய் திறக்கவில்லை. ஆனாலும், வரும் செய்திகள் உண்மையானால், புராணக் கதைகளுடன் கூடிய ஒரு பெரிய ஃபிரான்சைஸாக இந்த படம் வரலாறு படைப்பது உறுதி. இப்படத்திற்கு சாய் அபயங்கர் இசையமைக்கிறார் என்பது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
