சில்லா சில்லா பாடல் மற்றும் ரஞ்சிதமே ஆகிய இரண்டு பாடல்களில் எந்த பாடலுக்கு மவுசு அதிகம் என்பது தான் தற்போது சோசியல் மீடியாவில் ஹாட் டாப்பிக்காக உள்ளது.
விஜய் நடித்துள்ள வாரிசு திரைப்படமும், அஜித்தின் துணிவு திரைப்படமும் வருகிற பொங்கல் பண்டிகைக்கு ரிலீஸ் ஆக உள்ளது. இரண்டு படங்களின் ரிலீசுக்கும் இன்னும் ஒரு மாதமே எஞ்சி உள்ளதால் அப்படங்கள் குறித்த அப்டேட்டுகளும் அடுத்தடுத்து வெளியாகி வருகின்றன. இதனால் தற்போதே சமூக வலைதளங்களில் விஜய் - அஜித் ரசிகர்களிடையே மோதல் தொடங்கிவிட்டது.
வாரிசு படத்திலிருந்து இதுவரை இரண்டு பாடல்கள் வெளியிடப்பட்டு உள்ளன. அதில் கடந்த மாதம் விஜய் பாடிய ரஞ்சிதமே பாடல் முதலாவதாக வெளியிடப்பட்டது. அப்பாடல் பட்டிதொட்டியெங்கும் பட்டைய கிளப்பிய நிலையில், கடந்த வாரம் சிம்பு பாடிய தீ தளபதி என்கிற பாடலுடன் அதன் புரமோஷனல் வீடியோவும் வெளியாகி செம்ம வைரல் ஆனது.
இதையும் படியுங்கள்... பாபா படத்துக்கு போட்டியாக மீண்டும் ரீ-ரிலீஸ் ஆன ரஜினியின் மற்றுமொரு பிளாக்பஸ்டர் ஹிட் படம்
இவ்வாறு வாரிசு படக்குழு இரண்டு பாடல்களை வெளியிட்ட போதிலும் முதல் பாடலை வெளியிடாமல் மவுனம் காத்து வந்த துணிவு படக்குழு நேற்று ஒருவழியாக அப்படத்தில் இடம்பெறும் சில்லா சில்லா என்கிற பாடலை வெளியிட்டது. ஜிப்ரான் இசையில் அனிருத் பாடிய அப்பாடல் யூடியூப் டிரெண்டிங்கில் முதலிடம் பிடித்துள்ளது.
சில்லா சில்லா பாடல் மற்றும் ரஞ்சிதமே ஆகிய இரண்டு பாடல்களில் எந்த பாடலுக்கு மவுசு அதிகம் என்பது தான் தற்போது சோசியல் மீடியாவில் ஹாட் டாப்பிக்காக உள்ளது. அதன்படி அதிவேகமாக ஒரு மில்லியன் லைக்குகளை பெற்ற பாடல்களில் ரஞ்சிதமே பாடல் சாதனையை சில்லா சில்லா முறியடிக்கவில்லை என்கிற தகவல் வெளியாகி உள்ளது. சில்லா சில்லா பாடல் வெளியான 15 மணிநேரத்தில் ஒரு மில்லியன் லைக்குகளை பெற்றுள்ளது. ஆனால் ரஞ்சிதமே பாடலோ வெளியான 4 மணிநேரம் 44 நிமிடங்களிலேயே அந்த மைல்கல்லை எட்டி உள்ளது. இதன்மூலம் வாரிசு பட சாதனையை துணிவு படம் முறியடிக்கவில்லை என்பது தெரிகிறது.
இதையும் படியுங்கள்... யோகிபாபுவுக்கு கிரிக்கெட் பேட் பரிசளித்து இன்ப அதிர்ச்சி கொடுத்த விஜய்... அதன் விலை தெரிஞ்சா ஷாக் ஆகிடுவீங்க!