நடிகர் ரஜினிகாந்தின் மூத்தமகள் ஐஸ்வர்யாவை ஒரு இயக்குனராக அனைவருக்கும் தெரியும், ஆனால் அவர் அதற்கு முன் செய்துள்ள விஷயத்தை பற்றி தான் இந்த தொகுப்பில் பார்க்க போகிறோம்.
நடிகர் ரஜினிகாந்தின் மூத்தமகளான ஐஸ்வர்யா சினிமாவில் இயக்குனராக வலம் வந்து கொண்டிருக்கிறார். இவர் தமிழில் முதன் முதலில் இயக்கிய திரைப்படம் 3. தனுஷ் நாயகனாக நடித்திருந்த இப்படத்தில் ஸ்ருதிஹாசன் ஹீரோயினாக நடித்திருந்தார். இப்படத்தின் மூலம் தான் இசையமைப்பாளர் அனிருத் இசையமைப்பாளராக அறிமுகமானார். இப்படம் பெரிய அளவில் வெற்றியடையாவிட்டாலும், அதில் இடம்பெற்ற பாடல்கள் இன்றளவும் கொண்டாடப்பட்டு வருகின்றன. குறிப்பாக கொலவெறி பாடல் உலகளவில் பேமஸ் ஆனது.
3 படத்துக்கு பின் ஐஸ்வர்யா ரஜினிகாந்த் இயக்கிய திரைப்படம் வை ராஜா வை. இதில் கவுதம் கார்த்திக் நாயகனாக நடித்திருந்தார். அவருக்கு ஜோடியாக பிரியா ஆனந்த் நடித்திருந்த இப்படம் சூதாட்டத்தை மையமாக வைத்து எடுக்கப்பட்டு இருந்தது. இப்படத்தின் இறுதியில் நடிகர் தனுஷ் கொக்கி குமார் ஆக வந்து கேமியோ ரோலில் அசத்தி இருப்பார். இப்படம் கடந்த 2015-ம் ஆண்டு ரிலீசாகி ஓரளவு வரவேற்பை பெற்றது.
இதன்பின் 7 ஆண்டுகளாக படங்கள் எதுவும் இயக்காமல் இருந்த ஐஸ்வர்யா, தற்போது மீண்டும் லால் சலாம் என்கிற படத்தின் மூலம் இயக்குனராக ரீ-எண்ட்ரி கொடுத்துள்ளார். லைகா நிறுவனம் தயாரிக்கும் இப்படத்தில் சூப்பர்ஸ்டார் ரஜினிகாந்தும் கேமியோ ரோலில் நடிக்க உள்ளார். கிரிக்கெட்டை மையமாக வைத்து உருவாகும் இப்படத்தில் விஷ்ணு விஷால் மற்றும் விக்ராந்த் ஆகியோர் முதன்மை கதாபாத்திரத்தில் நடித்து வருகின்றனர். இப்படத்தின் ஷூட்டிங் தற்போது விறுவிறுப்பாக நடைபெற்று வருகிறது.
இதையும் படியுங்கள்... சம்பள விஷயத்தில் நயன்தாராவை ஊதி தள்ளிய தீபிகா படுகோன்! தெலுங்கு படத்தில் நடிக்க இத்தனை கோடியா?
இப்படி பலருக்கும் ஐஸ்வர்யா ரஜினிகாந்த் ஒரு இயக்குனராக தெரியும், ஆனால் அவர் இயக்குனர் ஆகும் முன்னர் ஒரு பாடகியாக இருந்துள்ளார். அவர் இதுவரை இரண்டே பாடல்களைத் தான் பாடி உள்ளார். அதில் ஒரு பாடலை சிம்பு உடன் சேர்ந்து பாடியுள்ளார். மற்றொரு பாடலை தனுஷ் உடன் சேர்ந்து பாடி உள்ளார். அந்த இரண்டு பாடல்களைப் பற்றி தான் தற்போது பார்க்க இருக்கிறோம்.
ஐஸ்வர்யா ரஜினிகாந்த் முதன்முதலில் பாடியது விசில் படத்திற்காக, டி.இமான் இசையமைத்திருந்த அப்படத்தில் இடம்பெறும் ‘நட்பே நட்பே’ என்கிற பாடலை நடிகர் சிம்பு உடன் இணைந்து பாடி இருக்கிறார் ஐஸ்வர்யா. இப்பாடல் கடந்த 2003-ம் ஆண்டு ரிலீஸ் ஆனது. இப்பாடல் வெளிவந்த அடுத்த ஆண்டு தான் தனுஷுக்கும் ஐஸ்வர்யாவுக்கும் திருமணம் நடந்தது.
இதையடுத்து 7 ஆண்டு இடைவெளிக்கு பின்னர் ஐஸ்வர்யா ரஜினிகாந்த் மீண்டும் பாடகியாக களமிறங்கிய படம் ஆயிரத்தில் ஒருவன். இப்படத்தில் இடம்பெறும் உன்மேல ஆசதான் என்கிற சூப்பர்ஹிட் பாடலை தனுஷ் மற்றும் ஆண்ட்ரியா ஆகியோருடன் இணைந்து ஐஸ்வர்யாவும் பாடி இருந்தார். இதன்பின் அவர் எந்த பாடலையும் பாடவில்லை என்பது குறிப்பிடத்தக்கது.
இதையும் படியுங்கள்... சமந்தா அவுட்... சாய் பல்லவி இன்...! - புஷ்பா 2 படத்தில் நிகழ்ந்த அதிரடி மாற்றம்
சேனலை கிளிக் செய்து பின்தொடரவும்