அஜித் துணிவு திரைப்படத்தை தொடர்ந்து நடிக்க உள்ள AK 62 ஆவது படத்தில், ஐஸ்வர்யா ராய்யுடன் இணைய உள்ளதாக வெளியாகியுள்ள தகவல் வெளியாகியுள்ளது. மேலும் இந்த படம் குறித்து நாம் தெரிந்து கொள்ள வேண்டிய 5 முக்கிய தகவல்களை இங்கு பார்க்கலாம்.
தமிழ் சினிமாவில், முன்னணி நடிகராக இருக்கும் அஜித் நடிப்பில் பொங்கல் விருந்தாக வெளியாகியுள்ள 'துணிவு' திரைப்படம் அனைத்து தரப்பு ரசிகர்கள் மத்தியிலும், நல்ல வரவேற்பை பெற்று வெற்றி பெற்றுள்ள நிலையில்... அடுத்ததாக அஜித் தன்னுடைய 62 ஆவது படத்திற்காக தயாராகி வருகிறார்.
இந்த படத்தை பிரபல இளம் இயக்குனரும், நடிகை நயன்தாராவின் காதல் கணவருமான விக்னேஷ் சிவன், இயக்கவுள்ள இப்படத்திற்கு AK 62 என தற்காலிகமாக தலைப்பிடப்பட்டுள்ளது. இந்த திரைப்படம் விரைவில் துவங்க உள்ள நிலையில் இப்படம் குறித்து நாம் தெரிந்து கொள்ளவேண்டிய முக்கிய 5 தகவல்கள் குறித்து, இங்கே பார்ப்போம்.
1. இப்படம் குறித்து தற்போது வெளியாகி உள்ள தகவலின் படி அஜித்துக்கு ஜோடியாக நடிகை ஐஸ்வர்யா ராய் நடிக்க ஒப்பந்தம் செய்யப்பட்டுள்ளதாக கூறப்படுகிறது. ஐஸ்வர்யா ராய் இப்படத்தில் நடித்தால் நன்றாக இருக்கும் என யோசித்த விக்கி, அவரை அணுகி கதை கூறியபோது... திரைக்கதையால் மிகவும் ஈர்க்கப்பட்ட ஐஸ்வர்யா ராய், இப்படத்தில் தன்னுடைய கதாபாத்திரம் மிகவும் வலுவானதாக உருவாக்கப்பட்டுள்ளதால் இப்படத்தில் நடிக்க உடனே சம்மதம் தெரிவித்துள்ளதாக கூறப்படுகிறது.
2. அஜித் மற்றும் விக்னேஷ் சிவன் இணையுள்ள AK 62 ஏற்கனவே நடிகை திரிஷா ஹீரோயினாக நடிக்க உள்ளதாக கூறப்பட்ட நிலையில், மற்றொரு நாயகியாகஐஸ்வர்யா ராய்யும் இணைந்துள்ளதால் இப்படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது. கடந்த ஆண்டு செப்டம்பர் மாதம் வெளியான மணிரத்தினம் இயக்கத்தில் வெளியான 'பொன்னியின் செல்வன்' வெற்றிக்குப் பின்னர், மீண்டும் த்ரிஷா மற்றும் ஐஸ்வர்யா ராய் மிகவும் வலுவான கதாபாத்திரத்தில் இணைவார்களா? பொறுத்திருந்து பார்ப்போம்.
3. ஏகே 62 படத்தில், முக்கிய வில்லனாக நடிகர் அரவிந்த்சாமி நடிக்க உள்ளதாக கூறப்படுகிறது. காமெடி மற்றும் திரில்லர் கதைய அம்சம் கொண்ட இந்த படத்தில் இரு அழகிய நடிகர்களும் எதிர் - எதிர் கதாபாத்திரத்தில் நடித்தால் எப்படி இருக்கும்? என நினைக்கும் போதே படத்தின் மீதான எதிர்பார்ப்பு எகுறுகிறது அல்லவா? அதே போல் நடிகர் சந்தானம் நீண்ட இடைவெளிக்கு பின்னர் அஜித்துடன் இணைந்து காமெடி கதாபாத்திரத்திலும் நடிக்கிறார் என கூறப்படுகிறது.
4. இசையமைப்பாளர் அனிருத் AK 62 படத்திற்கு இசையமைக்க உள்ளார். விக்னேஷ் சிவன் இயக்கத்தில் கடைசியாக வெளியான 'காத்து வாக்குல ரெண்டு காதல்' படத்தில் அனிருத் இசையில் வெளியான அனைத்து பாடல்களும் மிகப்பெரிய வெற்றி பெற்ற நிலையில், விக்னேஷ் சிவன் அஜித்தை வைத்து இயக்க உள்ள ஏகே 62 படத்திலும், அனிருத் இசை அமைக்க உள்ளார்.
'வாரிசு' பட தயாரிப்பாளர் மீது கோபத்தில் உள்ளாரா விஜய்? சொன்னபடி நடந்து கொள்ளாதது தான் காரணமா..!
அஜித் - விக்கி நடிப்பில் மிக பெரிய பட்ஜெட்டில் உருவாகும் AK 62 ஆவது படத்தை லைக்கா ப்ரொடக்ஷன்ஸ் தயாரிக்கிறது. அஜித்தை வைத்து லைக்கா ப்ரொடக்ஷன்ஸ் நிறுவனம் தயாரிக்கும் முதல் படம் இது. அதே போல் 'நானும் ரவுடிதான்' படத்தை தொடர்ந்து இரண்டாவது முறையாக விக்னேஷ் சிவன் இயக்கத்தில் உருவாகும் இப்படத்தை தயாரிக்கிறது. பொன்னியின் செல்வன், இந்தியன் 2 படத்தை தொடர்ந்து லைகா நிறுவனம் AK 62 ஆவது படத்தை பிரமாண்ட பட்ஜெட்டில் தயாரிக்க உள்ளது குறிப்பிடத்தக்கது.