விரைவில் நடிகர் அர்ஜுன் மகளுக்கும், தேசிய விருது பிரபலமான தம்பி ராமையாவின் மகன் உமாபதிக்கும் திருமணம் நடைபெற உள்ளதாக தகவல் வெளியாகியுள்ளது.
90-களில் பல சூப்பர் ஹிட் படங்களில் நடித்து பிரபலமானவர் நடிகர் அர்ஜுன். கன்னட திரையுலகில் இருந்து தமிழுக்கு வந்திருந்தாலும், இவருக்கு தமிழில் பல ரசிகர்கள் உள்ளனர். நடிகர் என்பதை தாண்டி, இயக்குனர், தயாரிப்பாளர் என பன்முக திறமையோடு விளங்கும் இவரின் மூத்த மகள் ஐஸ்வர்யாவுக்கு விரைவில் திருமணம் நடைபெற உள்ளதாக தகவல் வெளியாகியுள்ளது.
ஐஸ்வர்யா தமிழில் கடந்த 2013 ஆம் ஆண்டு நடிகர் விஷாலுக்கு ஜோடியாக 'பட்டத்து யானை' படத்தின் மூலம் ஹீரோயினாக அறிமுகமானவர். இப்படம் படு தோல்வியை சந்தித்த நிலையில், கன்னடம் மற்றும் தமிழில் தன்னுடைய தந்தை அர்ஜுன் இயக்கி - தயாரித்த படத்தில் ஹீரோயினாக நடித்தார். துரதிஷ்டவசமாக இப்படமும் தோல்வியடைந்ததால், திரையுலகில் இருந்து விலகி தன்னுடைய தந்தையின் பிஸினஸை கவனித்து வருகிறார்.
இந்நிலையில் இவர் பிரபல காமெடி நடிகர் தம்பி ராமையாவின் மகன், உமாபதியை கடந்த சில வருடங்களாக காதலித்து வருவதாகவும், இவர்களின் காதலுக்கு பெற்றோர் பச்சை கொடி காட்டியுள்ள நிலையில் விரைவில் இருவருக்கும், திருமணம் நடைபெற உள்ளதாக கூறப்படுகிறது.
உமாபதி கடந்த 2017 ஆம் ஆண்டு 'அதாகப்பட்டது மஹா ஜனங்களே' படத்தின் மூலம் ஹீரோவாக அறிமுகமானவர். இதை தொடர்ந்து மணியார் குடும்பம், திருமணம், தண்ணி வண்டி, என அடுத்தடுத்த சிலபடங்களில் நடித்து, தமிழ் சினிமாவில் நிலையான இடத்தை பிடிக்க போராடி வருகிறார். தற்போது தேவதாஸ் என்கிற படத்திலும் நடித்து வருகிறார் என்பது குறிப்பிடத்தக்கது.
விரைவில் ஆரம்பமாகும் பிக்பாஸ் 7! ஆடிஷனில் கலந்து கொண்ட 5 பிரபலங்கள் பற்றி கசிந்த தகவல்.!
திரைப்படத்தை தாண்டி, கடந்த 2021 ஆம் ஆண்டு ஜீ தமிழ் தொலைக்காட்சியில் அர்ஜுன் தொகுத்து வழங்கிய சர்வைவர் நிகழ்ச்சியிலும் கலந்து கொண்டு 4 ஆவது இடத்தை கைப்பற்றினார். மேலும் விரைவில் ஐஸ்வர்யா அர்ஜுன் - உமாபதி தம்பிராமையா திருமணம் குறித்து, அறிவிக்கப்படும் என எதிர்பார்க்கப்படுகிறது. அதே ரசிகர்கள் பலரும் இப்போதே இந்த ஜோடிகளுக்கு தங்களின் வாழ்த்துக்களை கூற துவங்கி விட்டனர்.
சேனலை கிளிக் செய்து பின்தொடரவும்