சைலண்டாக நடக்கும் திருமண வேலைகள்! நடிகை கீர்த்தி சுரேஷுக்கு விரைவில் டும்டும்டும்.. மாப்பிள்ளை யார்?

Published : Nov 29, 2022, 01:02 PM IST

தமிழில் உதயநிதி ஸ்டாலினுடன் மாமன்னன், ஜெயம் ரவி ஜோடியாக சைரன் போன்ற படங்களில் நடித்து வரும் நடிகை கீர்த்தி சுரேஷுக்கு விரைவில் திருமணம் நடைபெற உள்ளதாக தகவல் வெளியாகி உள்ளது.

PREV
15
சைலண்டாக நடக்கும் திருமண வேலைகள்! நடிகை கீர்த்தி சுரேஷுக்கு விரைவில் டும்டும்டும்.. மாப்பிள்ளை யார்?

தயாரிப்பாளர் சுரேஷ் மேனன் - நடிகை மேனகா தம்பதியின் மகளான கீர்த்தி சுரேஷ், ஏ.எல்.விஜய் இயக்கிய இது என்ன மாயம் படத்தின் மூலம் தமிழ் திரையுலகில் ஹீரோயினாக அறிமுகமானார். இதையடுத்து குறுகிய காலத்திலேயே விஜய் உடன் பைரவா, தனுஷ் உடன் தொடரி, விக்ரம் உடன் சாமி 2, ரஜினியுடன் அண்ணாத்த என முன்னணி நடிகர்களுடன் நடித்து பாப்புலர் ஆனார் கீர்த்தி சுரேஷ்.

25

ஆரம்ப காலகட்டத்தில் தொடர்ந்து கமர்ஷியல் படங்களில் நடித்து வந்த கீர்த்தி சுரேஷுக்கு திருப்புமுனையாக அமைந்த படம் என்றால் அது மகாநடி தான். நடிகை சாவித்ரியின் வாழ்க்கையை மையமாக வைத்து எடுக்கப்பட்டு இருந்த இப்படத்தில் சாவித்ரியாக நடித்து இருந்தார் கீர்த்தி சுரேஷ். இப்படத்திற்காக அவருக்கு சிறந்த நடிகைக்கான தேசிய விருதும் கிடைத்தது.

35

சமீப காலமாக நடிகை கீர்த்தி சுரேஷ் நடிப்பில் வெளிவந்த படங்கள் அடுத்தடுத்து தோல்வியை சந்தித்து வருகின்றன. இருப்பினும் அவரின் நடிப்புத் திறமைக்காக அவருக்கு தொடர்ந்து பட வாய்ப்புகள் குவிந்து வருகின்றன. தற்போது இவர் கைவசம் தெலுங்கில் போலா சங்கர் மற்றும் தசரா ஆகிய படங்களும், தமிழில் சைரன், மாமன்னன் ஆகிய படங்களும் உள்ளன.

இதையும் படியுங்கள்... டார்லிங்... டார்லிங்னு சொல்லியே 50 நாட்களை ஓட்டிய ராபர்ட் மாஸ்டருக்கு பிக்பாஸ் தந்த சம்பளம் எவ்வளவு தெரியுமா?

45

இந்நிலையில், நடிகை கீர்த்தி சுரேஷ் விரைவில் திருமணம் செய்துகொள்ள உள்ளதாக தகவல் வெளியாகி உள்ளது. அவருக்கு குடும்பத்தினர் ஏற்கனவே மாப்பிள்ளை பார்த்துவிட்டதாகவும், கீர்த்தி சுரேஷும் திருமணத்திற்கு சம்மதம் தெரிவித்துவிட்டதாகவும் கூறப்படுகிறது. இதன்காரணமாக தான் சமீபத்தில் குடும்பத்தினருடன் திருநெல்வேலி அருகே உள்ள தங்களது குலதெய்வம் கோவிலில் சாமி தரிசனம் செய்து வந்தாராம் கீர்த்தி சுரேஷ்.

55

திருமணத்திற்கு ஓகே சொல்லிவிட்டதால் தற்போது படங்களில் நடிப்பதையும் அவர் குறைத்துக்கொண்டுள்ளதாக கூறப்படுகிறது. கைவசம் உள்ள படங்களை வேகமாக நடித்து முடித்துவிட்டு, திருமணத்திற்கு பின்னர் படத்தயாரிப்பில் கவனம் செலுத்த கீர்த்தி சுரேஷ் திட்டமிட்டுள்ளதாக தகவல்கள் தெரிவிக்கின்றன. ஆனால் நடிகை கீர்த்தி சுரேஷ் தரப்பில் இருந்து இதுகுறித்து எந்த ஒரு தகவலும் வெளியிடப்படவில்லை என்பது குறிப்பிடத்தக்கது. 

இதையும் படியுங்கள்... ‘பரமசுந்தரி’க்கு புரபோஸ் பண்ணிய ‘பாகுபலி’... 43 வயதில் பாலிவுட் நடிகை மீது காதலில் விழுந்த பிரபாஸ்..!

Read more Photos on
click me!

Recommended Stories