இந்த அசிங்கம் தேவையா? கட்டிப்பிடிக்கும் போது தெரியாம பட்டுடுச்சி! பகத் பாசிலிடம் பொய் சொல்லி சிக்கிய ரவீனா!

'மாமன்னன்' படத்தின் ஷூட்டிங் ஸ்பாட்டில், நடந்த சுவாரசியமான சம்பவம் குறித்து நடிகை ரவீனா ரவி அண்மையில் கொடுத்த பேட்டி ஒன்றில் கூறியுள்ளார்.  

இயக்குனர் மாரி செல்வராஜ் இயக்கத்தில், சமீபத்தில் வெளியாகி சூப்பர் ஹிட் வெற்றி பெற்ற திரைப்படம் 'மாமன்னன்'. இந்த படத்தில் உதயநிதி ஹீரோவாக நடிக்க, பிரபல மலையாள நடிகர் பகத் பாஸில் வில்லனாக நடித்திருந்தார். இவருடைய நடிப்பு திரையில் பார்க்கும் போதே, பல ரசிகர்களை கோபப்படுத்தும் விதத்தில் தத்ரூபமாக இருந்தது. அதே போல் ரசிகர்கள் மற்றும் பிரபலங்கள் மத்தியில் பாராட்டுகளையும் குவித்தது.

இந்நிலையில், 'மாமன்னன்' ஷுட்டிங் ஸ்பாட்டில் நடந்த சுவாரஸ்யமான சம்பவம் குறித்து அண்மையில் அளித்த பேட்டி ஒன்றில் பகிர்ந்து கொண்டுள்ளார் நடிகையும் டப்பிங் கலைஞருமான ரவீனா ரவி. ரவீனா ஒரு 'கிடாயின் கருணை மனு' படத்தின் மூலம், தமிழ் சினிமாவில் ஹீரோயினாக அறிமுகமானவர். இதை தொடர்ந்து கதாநாயகியாக மட்டுமே நடிக்காமல், கதைக்கும் கதாபாத்திரத்துக்கும் முக்கியத்துவம் கொடுக்கும் கேரக்டர்களை தேர்வு செய்து நடித்து வருகிறார். அந்த வகையில் லவ் டுடே படத்தில் பிரதீப் ரங்கநாதனுக்கு அக்காவும், யோகி பாபுவுக்கு ஜோடியாகவும் நடித்திருந்தார்.

இதைத்தொடர்ந்து இவர் மாமன்னன் படத்தில் பகத் பாஸிலுக்கு ஜோடியாக நடித்திருந்தது அனைவரும் அறிந்தது தான்.  இந்த படத்தில் நடிக்கும் போது பகத் பாஸிலை கட்டிப் பிடிப்பது போல் ஒரு காட்சி எடுக்கப்பட்டதாம்.  அப்போது ரவீனா போட்டிருந்த லிப்ஸ்டிக், பகத் அணிந்திருந்த சட்டையில் ஒட்டி விட, ஷூட்டிங் ஸ்பாட்டில் சிலர் பகத் பாஸுக்கு ரவீனா முத்தம் கொடுத்து விட்டதாக, கிண்டல் செய்துள்ளனர்.

மேலும் லிப்ஸ்டிக் ஒட்டியதால் செம்ம டென்ஷன் ஆகிவிட்டாராம் பகத். இதற்க்கு காரணம் அவருக்கு மேக்கப் போடுவது சுத்தமாக பிடிக்காதாம். ஆரம்பத்திலேயே ரவீனாவிடம் நீங்க மேக்கப் போடுவீங்களா? என கேட்டுள்ளார். அதற்கு ரவீனா இல்லை என்று கூற, லிப்ஸ்டிக் மட்டும் போடுவீங்களா? என கேட்டுள்ளார். அதற்கு ரவீனா தன்னுடைய உதடு இப்படி தான் இருக்கும் என கூறியுள்ளார்.  ஆனால் குறிப்பிட்ட அந்த காட்சி எடுக்கும் போது உதட்டில் லிப்ஸ்டிக் போட்டிருந்ததால், அப்போ என்கிட்ட நீங்க பொய் தானே சொன்னீங்க என சற்று கடிந்து கொண்டதாக தெரிவித்துள்ளார்.