நடிகர் பார்த்திபன் இயக்கி - நடித்திருந்த இரவின் நிழல் படத்தில் இடம்பெற்ற மாயாவா தூயவா பாடலுக்கு தேசிய விருது கிடைத்துள்ள நிலையில், இதற்க்கு பார்த்திபன் தன்னுடைய நன்றிகளை தெரிவித்துள்ளார்.
69வது தேசிய விருது இன்று மாலை அறிவிக்கப்பட்டது. இதில் ரசிகர்கள் பலர் தேசிய விருது கிடைக்கும் என மிகவும் எதிர்பார்க்கப்பட்ட, ஜெய்பீம், கர்ணன், போன்ற படங்களுக்கு ஒரு விருது கூட கிடைக்காதது மிகப்பெரிய ஏமாற்றம் என்றாலும், கடைசி விவசாயி படத்திற்கு இரண்டு தேசிய விருதும், இரவின் நிழல் படத்திற்கு ஒரு தேசிய விருதும் கிடைத்தது சற்று ஆறுதல் என்றே கூறலாம்.
இந்நிலையில் நடிகர் பார்த்திபன், இரவின் நிழல் படத்தில் இடம்பெற்ற 'மாயாவா தூயவா' பாடலை பாடிய ஸ்ரேயா கோஷலுக்கு தேசிய விருது அறிவிக்கப்பட்டுள்ளதை தொடர்ந்து, நன்றி தெரிவிக்கும் விதமாக நெகிழ்ச்சியுடன் பேசியலாளர். இது குறித்து அவர் கூறியுள்ளதாவது...
"வணக்கம் நான் பார்த்திபன் மகிழ்வுடன், நிலவில் சந்திரயான் இறங்கும் போது விஞ்ஞானிகள் மட்டும் அல்ல, அந்த கட்டிடத்தில் பணிபுரியும் அனைவருமே, மகிழ்ந்திருப்பார்கள். பெருமை பட்டிருப்பார்கள். அப்படி பெருமைக்குரிய தேசிய விருது, 'இரவின் நிழல்' படத்தில் ஸ்ரேயா கோஷல் பாடிய மாயாவா தூயவா என்கிற பாடலுக்கு அறிவிக்கப்பட்ட போது, இதற்க்கு முழு முதல் காரணமான ஏ.ஆர்.ரகுமான் அவர்களுக்கு என்னுடைய மனப்பூர்வமான நன்றி.
இஸ்ரோவில் பணிபுரிந்த நிறைய ஊழியர்களில் ஒருவன் போல, அந்த படத்திற்காக உழைத்த ஊழியர்களில் ஒருவனாக, நானும் மகிழ்கிறேன்... பெருமை கொள்கிறேன். ஏ.ஆர்.ரகுமானுடன் ஒரு படமாவது பண்ண வேண்டும் என்பது என்னுடைய நீண்ட காத்திருப்பு, அதன் பலனாக எனக்கு 'இரவின் நிழலில்' கிடைத்த மரியாதை கிட்ட தட்ட 120 சர்வதேச விருதுகள் எல்லாமே கிடைத்தும் கூட , நம் தேசிய விருது என்கிற போது அதன் மீது மிகப்பெரிய எதிர்பார்ப்பு இருந்தது.
அதில் என்னுடைய படத்தின் பெயர் இருப்பது மகிழ்ச்சி. அதில் என் பெயர் இருப்பதும் மகிழ்ச்சி. இதற்க்கு காரணமான ஏ.ஆர்.ரகுமான் அவர்களுக்கும், ஸ்ரேயா கோஷல் அவர்களுக்கும் இப்படத்தில் பணிபுரிந்த அனைத்து தொழில்நுட்ப கலைஞர்களுக்கும் என்னுடைய மனப்பூர்வமான நன்றி என தெரிவித்துள்ளார்.
சேனலை கிளிக் செய்து பின்தொடரவும்