MS Bhaskar : பிரபல நடிகர் எம்.எஸ் பாஸ்கரின் மகள் ஐஸ்வர்யா பாஸ்கருக்கு கடந்த அக்டோபர் 31ஆம் தேதி தீபாவளி திருநாளன்று குழந்தை பிறந்திருக்கிறது.
தமிழ் சினிமாவில் "சில்க்" ஸ்மிதா தொடங்கி "டிஸ்கோ" சாந்தி வரை பல முன்னணி நடிகைகளுக்கு டப்பிங் பேசியவர் தான் ஹேமாமாலினி. இவருடைய இளைய சகோதரர் தான் பிரபல நடிகர் எம்.எஸ் பாஸ்கர். இவரும் டப்பிங் ஆர்டிஸ்ட் ஆக தான் தனது பயணத்தை தமிழ் திரையுலகில் தொடங்கினார். அதன்பிறகு திரைப்படங்களில் சின்ன சின்ன கதாபாத்திரங்கள் ஏற்று நடிக்க தொடங்கினார். கடந்த 1987ம் ஆண்டு தமிழில் வெளியான பிரபல இயக்குனர் விசுவின் "திருமதி ஒரு வெகுமதி" என்கின்ற திரைப்படத்தின் மூலம் இவர் தனது கலை உலக பயணத்தை தொடங்கினார். தமிழ் திரையுலகை பொறுத்தவரை ஏன் இன்னும் இந்த நடிகருக்கு தேசிய விருது கொடுக்கப்படவில்லை என்று ரசிகர்கள் ஏங்குகின்ற ஒரு நடிகர் எம்.எஸ் பாஸ்கர் என்றால் அது மிகையல்ல.
சின்னத்திரை நாடகங்கள் முதல், வெள்ளித்திரை திரைப்படங்கள் வரை தன்னுடைய அசாத்திய நடிப்பினாலும், எந்த மொழியாக இருந்தாலும் அதில் ஆளுமை கொண்ட மனிதராகவும் திகழ்ந்து வரும் எம்எஸ் பாஸ்கருக்கு இரண்டு பிள்ளைகள். அதில் மூத்தவர் பிரியங்கா பாஸ்கர் மற்றும் இளையவர் ஆதித்யா பாஸ்கர். இவர்கள் இருவருமே இப்போது திரை துறையிலும் பயணித்து வருவது குறிப்பிடத்தக்கது. அது மட்டுமல்ல ஐஸ்வர்யா பாஸ்கர் தன்னுடைய பெரியம்மா மற்றும் அப்பாவை போல மிகச்சிறந்த டப்பிங் கலைஞராகவும் தற்போது தமிழ் திரை உலகில் பயணித்து வருகிறார்.
தனது தந்தையை போலவே மிகவும் தலைமைசாலியான ஐஸ்வர்யா பாஸ்கர் அவர் கர்ப்பமாக உள்ளது குறித்து சில மாதங்களுக்கு முன்பு ஒரு அறிவிப்பை வெளியிட்டார். அது மட்டுமல்லாமல் தனது குடும்ப உறுப்பினர்கள் சூழல அவருக்கு நடந்த வளைகாப்பு விழாவின் புகைப்படங்களையும் வெளியிட்டு தனது மகிழ்ச்சியை வெளிப்படுத்தினார். தனது மகள் ஐஸ்வர்யா பாஸ்கரின் உச்சி முகர்ந்து அந்த வளைகாப்பு விழாவில் சந்தோஷமாக பங்கேற்றார் எம்.எஸ் பாஸ்கர். இந்த சூழலில் அவர் தாத்தாவாகியுள்ள செய்தி அவருடைய ரசிகர்களுக்கு மிகப்பெரிய சந்தோஷத்தை ஏற்படுத்தி இருக்கிறது.
கடந்த அக்டோபர் 31ஆம் தேதி தீபாவளி திருநாளன்று நடிகை மற்றும் டப்பிங் கலைஞர் ஐஸ்வர்யா பாஸ்கருக்கு பெண் குழந்தை பிறந்திருக்கிறது. இந்த மகிழ்ச்சியான தருணம் குறித்து தன்னுடைய இன்ஸ்டாகிராம் பக்கத்தில் ஒரு பதிவையும் அவர் வெளியிட்டு இருக்கிறார். ஐஸ்வர்யா பாஸ்கர் தான் எம் எஸ் பாஸ்கரின் மூத்த மகள் என்பதால் தாத்தாவான இந்த தருணத்தை மிகவும் மகிழ்ச்சியோடு கொண்டாடி வருகிறார் அவர்.
"டிசம்பரில் சூறாவளி பயணம்" த.வெ.க கட்சி தலைவர் விஜயின் அடுத்த அரசியல் மூவ் இது தானா?
சேனலை கிளிக் செய்து பின்தொடரவும்