பாலிவுட் திரையுலகில் சூப்பர் ஸ்டாராக வலம் வருபவர் அமீர்கான். இவர் நடிப்பில் அண்மையில் ரிலீசான திரைப்படம் லால் சிங் சத்தா. இது ஹாலிவுட்டில் கடந்த 1994-ம் ஆண்டு ரிலீசாகி ஆஸ்கர் விருது வென்ற பாரஸ்ட் கோம்ப் படத்தின் இந்தி ரீமேக் ஆகும். இப்படத்தில் நடிகர் அமீர்கானுக்கு ஜோடியாக பாலிவுட் நடிகை கரீனா கபூர் நடித்திருந்தார்.
இப்படம் கடந்த மாதம் 11-ந் தேதி இந்தி, தமிழ் உள்பட 5 மொழிகளில் ரிலீஸ் செய்யப்பட்டது. தமிழில் இப்படத்தை ரெட் ஜெயண்ட் நிறுவனம் வெளியிட்டது. அமீர்கான் மீது கொண்ட வெறுப்பு காரணமாக இப்படத்தின் ரிலீசின் போது பாய்காட் டிரெண்ட் தலைதூக்கியது. இதன் தாக்கம் படத்தின் வசூலிலும் எதிரொலித்தது. இதனால் லால் சிங் சத்தா படம் படுதோல்வியை சந்தித்தது.