கோலிக்கே சவால்! உச்சத்துக்கு சென்ற பெண்கள் கிரிக்கெட் வீராங்கனைகளின் பிராண்ட் மதிப்பு

உலகக் கோப்பை வெற்றிக்குப் பிறகு, இந்திய மகளிர் கிரிக்கெட் வீராங்கனைகளின் பிராண்ட் மதிப்பு 100% மேல் உயர்ந்துள்ளது. ஹர்மன் பிரீத் கௌர், ஸ்மிருதி மந்தானா போன்றோர் விளம்பர உலகில் முக்கிய முகங்களாக மாறியுள்ளனர்.

பெண்கள் கிரிக்கெட் பிராண்ட் மதிப்பு

இந்திய மகளிர் கிரிக்கெட் அணி உலகக் கோப்பையை கைப்பற்றி வரலாற்றை படைத்ததற்குப் பிறகு, அவர்கள் விளையாட்டிலும் பிராண்ட் மதிப்பிலும் புதிய உச்சத்தைத் தொட்டுள்ளனர். ஹர்மன் பிரீத் கௌர், ஸ்மிருதி மந்தானா, ஜெமிமா ரொட்ரிக்ஸ், தீப்தி சர்மா ஆகியோர் தற்போது இந்திய விளம்பர உலகில் பெரிய காந்த சக்தியாக மாறி வருகின்றனர். ஒருகாலத்தில் விராட் கோலியின் மட்டத்திற்குச் செல்ல முடியுமா என கேள்வி எழுந்திருந்தாலும், இன்று இந்த வீராங்கனைகள் பல பிராண்டுகளில் முதலாம் தேர்வாக மாறியுள்ளனர்.

பிரான்ட் மதிப்பில் 100% மேலான உயர்வு

இக்கோப்பை வெற்றியால் பெண்கள் கிரிக்கெட் வீராங்கனைகளின் பிராண்ட் மதிப்பு அதிகரித்துள்ளது JSW Sports மற்றும் Baseline Ventures போன்ற ஸ்போர்ட்ஸ் மேனேஜ்மென்ட் நிறுவனங்கள் தெரிவித்துள்ளன. குறிப்பாக ஹர்மன் பிரீத் கௌர், ஸ்மிருதி மந்தானா ஆகியோரின் சமூக ஊடகங்களின் பின்தொடர்புகள் இரட்டிப்பானதால், பல பிராண்டுகள் இவர்களை இணைத்துக் கொள்ள முனைந்துள்ளன. கோலிக்குப் பின், இவர்களும் விளம்பர உலகில் முக்கிய முகங்களாக உயர்ந்துள்ளனர்.

எவ்வளவு உயர்ந்தது பிராண்ட் விலை?

ET-யின் தகவல்படி, விராட் கோலியின் பிராண்ட் மதிப்பு ரூ.45–ரூ.8 கோடி வரை உள்ளது. முன்பு இந்திய மகளிர் கிரிக்கெட் வீராங்கனைகளின் பிராண்ட் விலை சராசரியாக ரூ.30 லட்சம் முதல் ரூ.1.5 கோடி வரை இருந்தது. ஆனால் உலகக்கோப்பை வெற்றிக்குப் பின்பு, அது ரூ.60 லட்சம் முதல் ரூ.3 கோடி வரை உயர்ந்துள்ளது. இதனால் மகளிர் வீராங்கனைகளுக்கு பிராண்ட் ஒப்பந்தங்கள் குவிந்து வருகின்றன.

முன்னணியில் ஸ்மிருதி மந்தானா

ஸ்மிருதி மந்தானா தற்போது 16 வருடங்களின் தூதராக உள்ளார். ஒவ்வொரு பிராண்டுக்கும் ரூ.1.2–ரூ.2 கோடி வரை கட்டணம் பெறப்படுகிறது. ஜெமிமா ரொட்ரிக்ஸ் Red Bull, Boat, Nike, Surf Excel போன்ற பிராண்டுகளுடன் இணைந்துள்ளார்; அவர் ரூ.75 லட்சம் முதல் ரூ.1.5 கோடி வரை பெறுகிறார். Herbalife, Nike, Boat, Puma, Adidas, Surf Excel, Coca-Cola போன்ற பெரிய நிறுவனங்கள் பெண்கள் கிரிக்கெட் வீராங்கனைகளுடன் ஒப்பந்தம் செய்து வருகின்றன. கூகுள் ஜெமினி, எஸ்பிஐ, பிஎன்பி மெட்லைஃப், ஹூண்டாய், மஹிந்திரா போன்ற நிறுவனங்களும் மகளிர் வீராங்கனைகளை தங்கள் பிரச்சாரங்களில் இடம் அளிக்கத் தொடங்கியுள்ளன.