EPFO New Rules 2026: 2026-ல் EPFO 5 புதிய விதிகளை கொண்டு வந்துள்ளது. இதனால், கிளைம் செட்டில்மென்ட், ஆட்டோ டிரான்ஸ்ஃபர், KYC செயல்முறை எல்லாம் இப்போது ரொம்ப சிம்பிள் ஆகிவிட்டது. முழு விவரங்களையும் இங்கே பார்க்கலாம்.
வேலை பார்க்கும் ஒவ்வொருவருக்கும் வருங்கால வைப்பு நிதி (EPFO) என்பது வெறும் சேமிப்பு கணக்கு மட்டுமல்ல, அது ஒரு பெரிய நிதிப் பாதுகாப்பு. ஆனால், பலருக்கும் பிஎஃப் கிளைம் தாமதமாவது, KYC அப்டேட் செய்வதில் சிக்கல், வேலை மாறும்போது பிஎஃப் பணத்தை மாற்றுவதில் சிரமம் போன்ற பிரச்சனைகள் இருந்தன. இந்தச் சிக்கல்களைத் தீர்க்க, EPFO 2026-ல் தனது ஐடி சிஸ்டத்தை முழுமையாக அப்கிரேட் செய்துள்ளது. இதனால் UMANG ஆப் மற்றும் Unified Member Portal சர்வர்கள் பிஸியான நேரத்தில்கூட டவுன் ஆகாது. இப்போது பாஸ்வேர்டு மாற்றுவது, பாஸ்புக் டவுன்லோட் செய்வது, கிளைம் ஸ்டேட்டஸ் பார்ப்பது எல்லாம் வேகமாக நடக்கிறது.
26
ஆட்டோ செட்டில்மென்ட் சிஸ்டம்: 3 முதல் 4 நாட்களில் பணம் அக்கவுண்டில்!
முன்பெல்லாம் பிஎஃப் கிளைம் செய்த பிறகு, பணம் வங்கி கணக்கிற்கு வர 7 முதல் 20 நாட்கள் ஆகும். ஆனால், புதிய ஆட்டோ செட்டில்மென்ட் சிஸ்டம் மூலம், தகுதியான கிளைம்கள் மிக வேகமாக முடிக்கப்படுகின்றன. உங்கள் விவரங்கள் சரியாக இருந்தால், உடல்நலக்குறைவு, படிப்பு, திருமணம் அல்லது வீடு வாங்குவது போன்ற தேவைகளுக்கான அட்வான்ஸ் கிளைம்களை கம்ப்யூட்டர் சிஸ்டமே தானாக அங்கீகரித்துவிடும். மனித தலையீடு இல்லாமல் இந்த செயல்முறை முடிவதால், கிளைம் பணம் 3 முதல் 4 நாட்களுக்குள் நேரடியாக உங்கள் வங்கிக் கணக்கில் டெபாசிட் ஆகிவிடும்.
36
சுலபமான பிஎஃப் டிரான்ஸ்ஃபர் மற்றும் 'எனிவேர் சர்வீஸ்'
ஒரு நிறுவனத்தை விட்டு வேறு நிறுவனத்தில் சேரும்போது, பழைய பிஎஃப் பேலன்ஸை புதிய கணக்கிற்கு மாற்றுவது பெரிய வேலையாக இருந்தது. பழைய நிறுவனத்தின் ஒப்புதலுக்காக மாதக்கணக்கில் காத்திருக்க வேண்டியிருந்தது. இப்போது அந்தப் பிரச்சனைக்கு முடிவு கட்டப்பட்டுள்ளது. நீங்கள் வேலை மாறிய உடனேயே, உங்கள் UAN கீழ் உள்ள பழைய பிஎஃப் பேலன்ஸ், புதிய நிறுவனத்தின் கணக்கிற்குத் தானாகவே மாற்றப்பட்டுவிடும். மீண்டும் மீண்டும் ஆன்லைனில் ஃபார்ம் 13 நிரப்பத் தேவையில்லை. மேலும், EPFO 'Anywhere Service' என்ற சேவையையும் தொடங்கியுள்ளது. நீங்கள் எந்த நகரத்தில் இருந்தாலும், உங்கள் வீட்டிற்கு அருகிலுள்ள எந்த EPFO அலுவலகத்திற்கும் சென்று உங்கள் பிரச்சனைகளைத் தீர்த்துக் கொள்ளலாம்.
பிஎஃப் கணக்கிலிருந்து பணம் எடுக்கவோ அல்லது சுயவிவரங்களை மாற்றவோ KYC மிகவும் அவசியம். முன்பு, பெயர், பிறந்த தேதி அல்லது பெற்றோர் பெயர்களில் சிறிய எழுத்துப்பிழை இருந்தால்கூட KYC நிராகரிக்கப்பட்டது. ஆனால், இந்த புதிய மாற்றங்களுக்குப் பிறகு, வங்கி விவரங்கள், பான் கார்டு மற்றும் பிற விவரங்களை அப்டேட் செய்வது மிகவும் எளிதாகிவிட்டது. தேவையான ஆவணங்களை ஆன்லைன் போர்ட்டலில் பதிவேற்றியதும், சிஸ்டம் உடனடியாகச் சரிபார்க்கிறது. இதனால், நிலுவையில் உள்ள கோரிக்கைகளின் எண்ணிக்கை வெகுவாகக் குறைந்துள்ளது.
56
புதிய பென்ஷன் திட்டம் (EPFO 3.0) பிளான்கள்
இந்திய அரசு 'EPFO 3.0' என்ற பெயரில் ஒரு புதிய ஓய்வூதியத் திட்டத்தைக் கொண்டுவரத் தயாராகி வருகிறது. இது பங்களிப்பு மாதிரியில் (contributory model) செயல்படும். இதில் ஊழியர், நிறுவனம், அரசு, கிக் வொர்க்கர்களுக்கான பிளாட்ஃபார்ம்கள் மற்றும் CSR நிதிகள் இணைந்து பங்களிக்கும். இந்தத் திட்டம் மூலம், இதுவரை EPFO வரம்புக்குள் வராத கிக் வொர்க்கர்கள், பிளாட்ஃபார்ம் ஊழியர்கள் மற்றும் அமைப்புசாரா தொழிலாளர்களுக்கு ஓய்வூதிய வசதி கிடைக்கும். இது ஒரு குறிப்பிட்ட ஓய்வூதியத் தொகையை இலக்காகக் கொண்டு செயல்படும். இதன் மூலம், ஓய்வுக்குப் பிறகு எவ்வளவு பணம் தேவை என்பதை முன்கூட்டியே திட்டமிடலாம்.
66
பிஎஃப் கணக்கில் 25% குறைந்தபட்ச இருப்பு விதி
பிஎஃப் பேலன்ஸ் குறித்த சரியான புரிதல் இல்லாததால், சுமார் 48.7% ஊழியர்கள் ஓய்வுபெறும் நேரத்தில் தங்கள் கணக்கில் வெறும் 10,000 முதல் 20,000 ரூபாய் மட்டுமே வைத்திருப்பதாக EPFO தெரிவித்துள்ளது. இந்தச் சிக்கலைத் தவிர்க்க, ஜூலை 1, 2026 முதல் புதிய EPF திட்டம் அமலுக்கு வருகிறது. இதன்படி, ஒவ்வொரு ஊழியரும் தங்கள் பிஎஃப் கணக்கில் வைப்பு செய்யப்பட்ட மொத்த தொகையில் குறைந்தபட்சம் 25% இருப்பை வைத்திருக்க வேண்டும். 12 மாத சேவைக்குப் பிறகு கல்வி, திருமணம், மருத்துவச் செலவுகளுக்காகப் பணம் எடுக்கலாம், ஆனால் 25% பேலன்ஸ் கணக்கிலேயே இருக்க வேண்டும். உதாரணமாக, ஒரு ஊழியர் மாதம் 15,000 ரூபாய் சம்பளத்தில் 20 ஆண்டுகள் வேலை செய்தால், சுமார் 14 லட்சம் ரூபாய் வைப்புத்தொகை ஆகும். இடையில் 75% எடுத்தாலும், இறுதியில் 3.5 லட்சம் ரூபாய் பேலன்ஸ் இருக்கும். இது ஓய்வு காலத்தில் ஒரு பெரிய நிதிப் பாதுகாப்பைத் தரும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
