புற்றுநோய் பாதிப்பால் அவதிப்பட்டு வந்த டைட்டானிக் பட நடிகர் டேவிட் வார்னர் காலமானார் - சோகத்தில் ரசிகர்கள்

David Warner : டைட்டானிக் பட நடிகர் டேவிட் வார்னரின் மறைவு திரைத்துறையினரையும், அவரது குடும்பத்தினரையும் பெரும் சோகத்தில் ஆழ்த்தி உள்ளது. 

பழம்பெரும் ஹாலிவுட் நடிகரான டேவிட் வார்னர் காலமானார். அவருக்கு வயது 80. பிரிட்டனை சேர்ந்த இவர் உலகப்புகழ் பெற்ற டைட்டானிக் படத்தில் முக்கிய கதாபாத்திரத்தில் நடித்ததன் மூலம் பிரபலமானார். ஏராளமான படங்களில் வில்லனாகவும் மிரட்டி உள்ள இவருக்கு கடந்த ஒன்றரை ஆண்டுகளாக புற்றுநோய் பாதிப்பு இருந்ததாக கூறப்படுகிறது.

50 ஆண்டுகளுக்கு மேலாக திரைத்துறையில் நடித்து வந்த டேவிட் வார்னர், ஒரு மேடை நாடக கலைஞர் ஆவார். ஆரம்ப காலகட்டத்தில் நாடகங்களில் சிறந்து விளங்கிய இவருக்கு, அதன்மூலமே சினிமாவில் நடிக்கும் வாய்ப்பும் கிடைத்துள்ளது. அதனை சரிவர பயன்படுத்திக் கொண்ட டேவிட் வார்னர் வெற்றிகரமான நடிகராக வலம் வந்தார்.

இதையும் படியுங்கள்... கமல் படத்தில் ஹீரோவாக நடிக்க கமிட்டான உதயநிதி - அட... இது நம்ம லிஸ்ட்லயே இல்லையே...! ஆச்சர்யத்தில் ரசிகர்கள்

நடிகர் டேவிட் வார்னர் கடைசியாக மேரி பாப்பின்ஸ் ரிட்டர்ன்ஸ் என்கிற படத்தில் நடித்திருந்தார். கடந்த 2018-ம் ஆண்டு ரிலீசான இப்படத்தில் ஓய்வுபெற்ற கப்பற்படை அதிகாரியாக நடித்திருந்தார் டேவிட் வார்னர். இதன்பின் உடல்நலக்குறைவு ஏற்பட்டதால் படங்களில் நடிக்காமல் ஓய்வெடுத்து வந்த இவருக்கு கடந்தாண்டு புற்றுநோய் பாதிப்பு இருப்பது கண்டறியப்பட்டது.

இதற்காக பல்வேறு சிகிச்சைகளை அவர் எடுத்துவந்த போதிலும் அது பலனளிக்காமல் மரணமடைந்தார். நடிகர் டேவிட் வார்னரின் மறைவு திரைத்துறையினரையும், அவரது குடும்பத்தினரையும் பெரும் சோகத்தில் ஆழ்த்தி உள்ளது. இவரின் மறைவுக்கு ரசிகர்களும், திரையுலக பிரபலங்களும் சமூக வலைதளங்கள் வாயிலாக இரங்கல் தெரிவித்து வருகின்றனர். 

இதையும் படியுங்கள்... அஞ்சலிக்கு என்ன ஆச்சு? எலும்பும் தோலுமாக ஆளே அடையாளம் தெரியாதது போல் மாறிட்டாரே! ஷாக்கிங் போட்டோஸ்..