சூர்யா தோத்தாறு போங்க.. அஞ்சல பாட்டுக்கு இறங்கி குத்திய GVM.. ஆர்ப்பரித்த ரசிகர்கள் - வைரலாகும் வீடியோ!

Gautham Vasudev Menon Dance Viral : தமிழ் சினிமாவிற்கு வாரணம் ஆயிரம் மற்றும் விண்ணைத்தாண்டி வருவாயா என்கின்ற இரு சிறந்த திரைப்படங்களை கொடுத்த மிகச்சிறந்த இயக்குனர் தான் கெளதம் வாசுதேவ் மேனன். கடந்த 2001ம் ஆண்டு மாதவன் நடிப்பில் வெளியான "மின்னலே" திரைப்படத்தின் மூலம் தமிழ் திரை உலகில் இயக்குனராக களம் இறங்கியவர் இவர்.

2006 ஆம் ஆண்டு தனது கனவு நாயகனான உலக நாயகன் கமல்ஹாசனை வைத்து இவர் இயக்கி வெளியிட்ட வேட்டையாடு விளையாடு திரைப்படம் மிகப்பெரிய அளவில் ஹிட்டானது. அதனை தொடர்ந்து 2008 ஆம் ஆண்டு வெளியான வாரணம் ஆயிரம் திரைப்படத்திற்காக இவருக்கு முதல் தேசிய விருது கிடைத்ததும் குறிப்பிடத்தக்கது. 

அதன் பின் 2010 ஆம் ஆண்டு வெளியான விண்ணைத்தாண்டி வருவாயா, 2012 ஆம் ஆண்டு வெளியான நீதானே என் பொன்வசந்தம், 2015 ஆம் ஆண்டு வெளியான என்னை அறிந்தால் இன்று எல்லா திரைப்படங்களும் ஒரு தனித்துவமான திரைப்படங்களாக விளங்கி வருகின்றது. 

இறுதியாக கடந்த 2019 ஆம் ஆண்டு தனுஷ் நடிப்பில் வெளியான "என்னை நோக்கி பாயும் தோட்டா" திரைப்படத்தை இயக்கியிருந்த கௌதம் வாசுதேவ் மேனன், கடந்த சில வருடங்களாக நடிகராக புதிய பரிமாணம் எடுத்து தமிழ் திரையுலக ரசிகர்களை மகிழ்வித்து வருகிறார். இந்நிலையில் இந்த தீபாவளிக்கு GVM சுமார் நான்கு ஆண்டுகள் கழித்து இயக்கி தயாரித்து வெளியிடும் திரைப்படம் தான் துருவ நட்சத்திரம்.

இந்நிலையில் கடந்த 2008 ஆம் ஆண்டு கெளதம் இயக்கத்தில் வெளியான வாரணம் ஆயிரம் திரைப்படத்தில் வரும் "அவ என்ன என்ன தேடி வந்த அஞ்சல" பாடல் தற்போது மீண்டும் ட்ரெண்ட் ஆகிவருகின்றது. அதற்கு காரணம், ஒரு பொது இசை நிகழ்ச்சியில் கலந்து கொண்ட GVM, அங்கே இசைக்கப்பட்ட அஞ்சல பாடலுக்கு செம்மையாக மூவ்மெண்ட் போட்ட வீடியோ தற்பொழுது இணையத்தில் வைரலாக பரவி வருகிறது.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.