தர லோக்கல் பாய்ஸ் ஆக மாறி; குத்தாட்டம் போட்ட தனுஷ் - சிவகார்த்திகேயன்!
By Ganesh A | First Published Nov 25, 2024, 12:46 PM ISTDhanush Sivakarthikeyan dance video : தயாரிப்பாளர் ஆகாஷ் பாஸ்கரனின் திருமண விழாவில் நடிகர் தனுஷ் உடன் சேர்ந்து சிவகார்த்திகேயன் டான்ஸ் ஆடிய வீடியோ வைரலாகி வருகிறது.
தயாரிப்பாளர் ஆகாஷ் பாஸ்கரனின் திருமணம் அண்மையில் நடைபெற்றது. இதில் முதல்வர் மு.க.ஸ்டாலின் தொடங்கி நடிகர்கள் தனுஷ், சிவகார்த்திகேயன் வரை ஏராளமான பிரபலங்கள் கலந்துகொண்டனர். சமீபத்தில் சண்டைக்கோழிகளாக மாறிய தனுஷும், நயன்தாராவும் இந்த திருமண விழாவில் கலந்துகொண்டதுமட்டுமின்றி அருகருகே அமர்ந்திருந்ததும் பேசுபொருள் ஆனது. அதுமட்டுமின்றி அந்த திருமண விழாவில் எடுத்த வீடியோக்களும் வைரல் ஆனது.
தயாரிப்பாளர் ஆகாஷ் பாஸ்கரன் தற்போது தமிழ் சினிமாவில் முன்னணி நடிகராக இருக்கும் தனுஷ் நடிப்பில் உருவாகி வரும் இட்லி கடை என்கிற படத்தை தயாரிக்கிறார். அதுமட்டுமின்றி ஏ.ஆர்.முருகதாஸ் இயக்கத்தில் சிவகார்த்திகேயன் நடிக்கும் எஸ்.கே.23 படத்தின் தயாரிப்பாளரும் அவர் தான். தமிழ் சினிமாவில் வட்டாரத்தில் ஆகாஷ் பாஸ்கரனுக்கு நண்பர்களும் ஏராளம் உண்டு. இதனால் அவரது திருமண விழாவுக்கு நட்சத்திர படையே வந்திருந்தது.
Latest Videos
undefined
இதையும் படியுங்கள்... சண்டைக்கு பின் தனுஷ் - நயன்தாரா இடையே நடந்த எதிர்பாரா சந்திப்பு! வீடியோ இதோ
ஆகாஷ் பாஸ்கரனின் சங்கீத் விழாவிலும் நடிகர்கள் தனுஷ், சிவகார்த்திகேயன், ஹரிஷ் கல்யாண், இயக்குனர்கள் அட்லீ குமார், விக்னேஷ் சிவன், தயாரிப்பாளர் சசிகாந்த் என மிகப்பெரிய நட்சத்திர பட்டாளமே கலந்துகொண்டது. இதில் ஹைலைட் என்னவென்றால் நடிகர்கள் தனுஷும், சிவகார்த்திகேயனும் சேர்ந்து நடனமாடியது தான். அவர்களுடன் இயக்குனர் அட்லீயும் சேர்ந்து குத்தாட்டம் போட்ட வீடியோ வெளியாகி இணையத்தில் வைரலாகி வருகிறது.
சிவகார்த்திகேயன் உடன் டான்ஸ் ஆடிய தனுஷ் pic.twitter.com/mfB7Mv33Ce
— Asianetnews Tamil (@AsianetNewsTM)இந்த விழாவில் இயக்குனர் விக்னேஷ் சிவனும் கலந்துகொண்டார். இருந்தாலும் தனுஷ் உடன் ஏற்பட்ட பிரச்சனையால் அவர் ஒரு ஓரமாக நின்று தனுஷ், சிவகார்த்திகேயன் ஆகியோட் ஆடுவதை வேடிக்கை பார்த்துக் கொண்டிருந்தார். கடைசியாக எதிர்நீச்சல் படத்தில் தனுஷ் உடன் சேர்ந்து லோக்கல் பாய்ஸ் பாடலுக்கு குத்தாட்டம் போட்ட சிவகார்த்திகேயன் அதன்பின்னர் தற்போது ஆகாஷ் பாஸ்கரன் திருமண விழாவில் நடனமாடினார் என்பது குறிப்பிடத்தக்கது.
இதையும் படியுங்கள்... உதவி இயக்குநரிடம் கோடிக்கணக்கில் பணமா? யார் இந்த இட்லி கடை தயாரிப்பாளர் ஆகாஷ் பாஸ்கரன்?
சேனலை கிளிக் செய்து பின்தொடரவும்