Lokesh kanagaraj :லோகேஷ் கனகராஜ் இயக்கத்தில் நடித்த அமிதாப் பச்சன்! ஷூட்டிங்கும் முடிஞ்சதாம் - அட... இது எப்ப?

Lokesh kanagaraj : மாநகரம், கைதி, மாஸ்டர் என ஹாட்ரிக் ஹிட் படங்களை இயக்கிய லோகேஷ் கனகராஜ் இயக்கத்தில் அமிதாப் பச்சன் நடித்துள்ளதாக தகவல் வெளியாகி உள்ளது.

லோகேஷின் ஹாட்ரிக் ஹிட்

மாநகரம், கைதி, மாஸ்டர் என அடுத்தடுத்து பிளாக்பஸ்டர் ஹிட் படங்களை இயக்கிய லோகேஷ் கனகராஜ், அடுத்ததாக இயக்கி உள்ள படம் விக்ரம். கமல்ஹாசன் நாயகனாக நடித்துள்ள இப்படத்தில் விஜய் சேதுபதி, பகத் பாசில் ஆகியோர் வில்லன்களாக நடித்துள்ளனர். மேலும் காளிதாஸ் ஜெயராம், ஷிவானி, மைனா நந்தினி, நரேன் ஆகியோர் முக்கிய கதாபாத்திரங்களில் நடித்துள்ளனர்.

ரிலீசுக்கு தயாராகும் விக்ரம்

அனிருத் இசையமைத்துள்ள இப்படத்திற்கு கிரீஷ் கங்காதரன் ஒளிப்பதிவு செய்துள்ளார். கமல்ஹாசனின் ராஜ்கமல் பிலிம்ஸ் நிறுவனம் பிரம்மாண்ட பொருட்செலவில் தயாரித்துள்ள இப்படத்தின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வருகிறது. விக்ரம் படத்தை வருகிற ஜூன் மாதம் 3-ந் தேதி திரையரங்குகளில் வெளியிட உள்ளதாக அண்மையில் அதிகாரப்பூர்வமாக அறிவித்தனர்.

லோகேஷ் இயக்கத்தில் நடித்த அமிதாப் பச்சன்

இந்நிலையில், இப்படத்தில் பாலிவுட் சூப்பர்ஸ்டார் அமிதாப் பச்சனும் நடித்துள்ளதாக புதிய தகவல் வெளியாகி உள்ளது. அவருக்கும் கவுரவ வேடமாக இருந்தாலும் கதையில் திருப்புமுனையை ஏற்படுத்தும் கதாபாத்திரமாக அது இருக்கும் என கூறப்படுகிறது. விக்ரம் படத்தின் கிளைமேக்ஸ் காட்சியில் அமிதாப் நடித்துள்ளதாக தகவல்கள் தெரிவிக்கின்றன.

இந்த வேடத்தில் நடிக்க முதலில் தென்னிந்தியாவை சேர்ந்த பிரபல நடிகர்களைத் தான் படக்குழு அணுகியதாம். ஆனால் கால்ஷீட் பிரச்சனை காரணமாக அவர்களால் தேதி கொடுக்க முடியவில்லையாம். இதையடுத்து தான் அமிதாப் பச்சனை அணுகியுள்ளனர். அவரும் ஓகே சொன்னதை அடுத்து ஒரே நாளில் அவர் நடிக்கும் காட்சிகளை படமாக்கி முடித்துவிட்டாராம் லோகேஷ் கனகராஜ்.

இதையும் படியுங்கள்... Divya Bharti : பிகினி உடையில் கவர்ச்சி குளியல்.... மாலத்தீவில் மஜா பண்ணும் பேச்சிலர் நடிகை - வைரலாகும் வீடியோ