மத்திய பட்ஜெட் 2023 : மொபைல், டிவி விலை குறைகிறது... தங்கம், சிகரெட் விலை உயர்கிறது - முழு விவரம் இதோ
சுருக்கம்
செல்போன், கேமரா லென்ஸ், டிவி, லித்தியம் பேட்டரி போன்றவற்றுக்கான சுங்க வரி விலக்கு மேலும் ஒரு வருடத்திற்கு தொடரும் என மத்திய நிதியமைச்சர் நிர்மலா சீதாராமன் அறிவித்துள்ளார்.
2023-24 நிதியாண்டுக்கான மத்திய பட்ஜெட் இன்று தாக்கல் செய்யப்பட்டது. மத்திய நிதியமைச்சர் நிர்மலா சீதாராமன் நாடாளுமன்றத்தில் இன்று மத்திய பட்ஜெட்டை தாக்கல் செய்தார். அப்போது எந்தெந்த பொருட்களுக்கு வரி விலக்கு அளிக்கப்படும், எதற்கான வரி விகிதம் அதிகரிக்கப்படும் என்கிற அறிவிப்பையும் அவர் வெளியிட்டார்.
* அதன்படி செல்போன், கேமரா லென்ஸ், டிவி, லித்தியம் பேட்டரி போன்றவற்றுக்கான சுங்க வரி விலக்கு மேலும் ஒரு வருடத்திற்கு தொடரும் என நிர்மலா சீதாராமன் அறிவித்துள்ளார்.
* அதேபோல் தங்கம், வெள்ளி மற்றும் வைரங்கள் போன்றவற்றின் விலை உயர்த்தப்படும் என்பதையும் பட்ஜெட் உரையின் போது நிர்மலா சீதாராமன் தெரிவித்தார்.
* இதுதவிர சிகரெட்டுகளின் விலை அதிகரிக்கப்படும் என அவர் அறிவித்தார்.
இதையும் படியுங்கள்...ரயில்வேக்கு இதுவரை இல்லாத அளவிற்கு ரூ. 2.40 லட்சம் கோடி நிதி ஒதுக்கீடு!
* சமையல் எரிவாயுவுக்கான கட்டணம் குறைக்கப்படும் என்பதையும் நிர்மலா சீதாராமன் அறிவித்தார்.
* ஜவுளி மற்றும் விவசாயம் தவிர பிற பொருட்களின் அடிப்படை சுங்க வரி விகிதங்களின் எண்ணிக்கையை 21 முதல் 13 ஆக குறைக்கப்பட உள்ளதாகவும் அவர் அறிவித்துள்ளார்.
* இதனால், பொம்மைகள், சைக்கிள்கள் மற்றும் ஆட்டோமொபைல் சாதணங்களின் அடிப்படை சுங்க வரிகள் குறைக்கப்பட்டு, அதன் விலையிலும் மாற்றம் ஏற்படும் என நிதியமைச்சர் நிர்மலா சீதாராமன் கூறினார்.
இதையும் படியுங்கள்... Income Tax Budget 2023:பட்ஜெட் 2023: வருமானவரி உச்சவரம்பு விலக்கு ஆண்டுக்கு ரூ.7 லட்சமாக உயர்வு: முழுவிவரம்
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.