இயற்கை முறையில் வெந்தய சாகுபடியை இப்படியும் செய்யலாம்...
 )
Followரகங்கள்:
கோ 1, பூசா எரிலி பன்சிங், லேம் தேர்வு 1, ராஜேந்திர கிராந்தி, கிஸார் சோனாலி, ஆர். எம்.டி 1, கோ 2 ஆகிய ரகங்கள் சாகுபடிக்கு ஏற்றவை.
மண், தட்பவெப்பநிலை:
நல்ல வடிகால் வசதியுள்ள கரிசல் அல்லது அங்ககச் சத்து மிகுந்த மணல் பாங்கான நிலத்தில் நன்கு வளரும். மிதமான தட்பவெப்பநிலை ஏற்றது.
பருவம்:
ஜூன் – ஜூலை, அக்டோபர் – நவம்பர் மாதங்கள் வெந்தய சாகுபடிக்கு உகந்த பருவம்.
விதையளவு:
ஹெக்டேருக்கு 12 கிலோ விதை போதும்.
விதை நேர்த்தி:
ஹெக்டேருக்கு 12 கிலோ விதைக்கு 1.5 கிலோ அசோஸ்பைரில்லம், 50 கிராம் டிரைகோடெர்மா விரிடி கொண்டு விதை நேர்த்தி செய்ய வேண்டும்.
விதைப்பு:
நிலத்தை நன்கு உழுதபின்பு 3.5-க்கு 1.5 மீட்டர் அளவுள்ள பாத்திகளாகப் பிரித்து கொள்ள வேண்டும். விதைகளை 20-க்கு 15 செமீ இடைவெளியில் விதைக்க வேண்டும். பயிர் முளைக்கும் முன் 700 மிலி ப்ளுகுளோரலின் களைக்கொல்லியை 500 லிட்டர் நீரில் கலந்து தெளிப்பதன் மூலம் களையைக் கட்டுப்படுத்தலாம்.
அடியுரம்:
ஹெக்டேருக்கு 20 – 25 கிலோ தொழு உரத்தை கடைசி உழவின்போது இடவேண்டும். மேலும் 30 கிலோ தழைச்சத்து, 25 கிலோ மணிச்சத்து, 40 கிலோ சாம்பல் சத்து கொடுக்கும் உரங்களை இடவேண்டும்.
மேலுரம்:
விதைத்த 30 நாள்கள் கழித்து மேலுரமாக ஹெக்டேருக்கு 20 கிலோ தழைச்சத்து கொடுக்கும் ரசாயன உரம் இடவேண்டும்.
நீர் நிர்வாகம்:
விதைத்தவுடன் ஒரு தண்ணீரும், பிறகு மூன்றாம் நாளும் அதைத் தொடர்ந்து 7 – 10 நாள்களுக்கு ஒருமுறையும் நீர்ப் பாய்ச்சவேண்டும்.
பின்செய்நேர்த்தி:
விதைத்த 20 – 25 நாள்களுக்குப் பிறகு பயிர் களைதல் வேண்டும். களைந்த பயிரை பசுங்கீரையாகப் பயன்படுத்தலாம். தேவையானபோது களையெடுத்தல் வேண்டும்.
வேரழுகல்:
வெந்தயப் பயிரில் வேரழுகல் நோய் தோன்றும்போது 0.5 கிராம் கார்பன்டாசிம் மருந்தை ஒரு லிட்டர் நீரில் கலந்து வேர்ப்பாகத்தில் ஊற்றவேண்டும். அல்லது ஒரு கிலோ விதைக்கு 4 கிராம் ட்ரைக்கோடெர்மா விரிடி கலந்து விதைநேர்த்தி செய்து விதைக்கவேண்டும். ஹெக்டேருக்கு 50 கிலோ பிண்ணாக்கை நோய் தோன்றும்போது இடவேண்டும்.
சாம்பல் நோய்:
இந்நோய் தோன்றும்போது ஹெக்டேருக்கு 25 கிலோ சல்பரை தூவ வேண்டும் அல்லது 2 கிராம் நனையும் கந்தகத்தை ஒரு லிட்டர் நீரில் கலந்து இலைமேல் தெளிக்க வேண்டும்.
அறுவடை:
விதைத்த 20 – 25 நாள்கள் கழித்து அறுவடை செய்து பசுங்கீரையாகப் பயன்படுத்தலாம். 90 – 100 நாள்களில் விதைகள் உருவாகிவிடும். ஹெக்டேருக்கு பசுங்கீரை 4,000 – 5,000 கிலோவும், விதைகள் 500 – 700 கிலோவும் மகசூலாக கிடைக்கும்
சேனலை கிளிக் செய்து பின்தொடரவும்
