கோழிகளைத் தாக்கும் முக்கியமான நோயும் அதனைத் தடுக்கும் முறையும் இதோ...
 )
Followநியூ கேசில் நோய் அல்லது ராணிக்கெட் நோய்
நோயின் தன்மை
** நியூகேசில் நோய் கோழிகளைத் தாக்கக்கூடிய வைரஸால் ஏற்படும் தொற்று நோயாகும். இந்நோய் விரைவில் பரவக்கூடியதும், சுவாச மற்றும் நரம்பு மண்டலத்தில் பாதிப்பு ஏற்படுத்தக்கூடிய நோயாகும்.
** முதலில் சுவாச மண்டல நோயாக வெளிப்பட்டு,பிறகு கோழிகளில் நரம்பு மண்டலக் கோளாறுகள், கழிச்சல் ஏற்படுத்தும் நோயாகும். கழிச்சல் இந்நோயின் பிரதான அறிகுறியாகும்.
** கோழிகள் இந்நோயினால் அதிகமாகப் பாதிக்கப்படுகின்றன. ஆனால் தண்ணீரில் வளரும் கோழியினங்கள் குறைவாக பாதிக்கப்படுகின்றன.
நோய்க்கான காரணங்கள்
** பாராமிக்சோ வைரஸ் 1
** கோழிகளில் ஏற்படும் நோய்த் தாக்குதலைப் பொறுத்து நியூகேசில் நோயினை விசரோடிராப்பிக் வீலோஜெனிக் (அதிக வீரியம்), நியூரோடிராப்பின் வீலோஜெனிக், மீசோஜெனிக் (நடுத்தர வீரியம்), லென்டோஜெனிக் (குறைவான வீரியம்) மற்றும் நோய் அறிகுறிகள் வெளிப்படுத்தாத நிலை.
** பல்வேறு இயற்பியல் (வெப்பநிலை, ஒளி, அமில காரத்தன்மை ) மற்றும் இரசாயனப் பொருட்கள் (பொட்டாசியம் பர்மாங்கனேட், ஃபார்மலின், எத்தனால் போன்றவை) இந்த வைரஸை கொல்லக்கூடிய திறன் படைத்தவை.
** புகை மூட்டுவதன் மூலம் கட்டிடங்கள் மற்றும் குஞ்சு பொரிப்பகங்களில் இந்த வைரஸைக் கொல்வதற்கு உபயோகப்படுத்தலாம்.
** இந்நோயினால் பாதிக்கப்பட்ட கோழிகள் இந்நோய்க்கிருமியைப் பரப்புவதல் முதன்மையாக இருக்கின்றன.
** நோய் அறிகுறிகள் வெளிப்படுவதற்கு முன்பாகவும், நோய் அறிகுறிகளை வெளிப்படும் போதும், இந்த வைரஸ் கோழிகளின் எச்சம், சளி போன்றவற்றில் வெளியேறும். ஆனால் நோயினால் குணமடையும் போது குறைவான அளவு வைரஸை மட்டுமே கோழிகள் வெளியேற்றும்.
** நோயினால் பாதிக்கப்பட்ட கோழிகளின் மூச்சுக் காற்று, மூக்கிலிருந்து வெளியேறும் சளி, எச்சம் போன்றவற்றின் வழியாக இந்த வைரஸை வெளியேற்றுவதால் தீவனம் மற்றும் தண்ணீர் போன்றவை இந்நோய்க்கிருமியால் மாசடையும்.
** மூச்சுக் காற்று வழியாகவும், வாய் வழியாகவும் இந் நோய்க்கிருமி கோழிகளின் உடலுக்குள் செல்லும்.
** நோய் அறிகுறிகளைக் கோழிகள் வெளிப்படுத்தும் போது முட்டையிலும், இறந்த கோழிகளின் உடலிலும் இந் நோய்க்கிருமி அதிக அளவு இருக்கும்.
** வனப் பறவைகள், செல்லப் பிராணிகளாக வளர்க்கப்படும் பறவைகள், மனிதர்களின் நடமாட்டம், கோழிப்பண்ணை உபகரணங்கள், கோழிகளால் உற்பத்தி செய்யப்படும் முட்டை, இறைச்சி போன்ற பொருட்களும் நோய்க்கிருமியினைப் பரப்புவதில் பெரும்பங்கு வகிக்கின்றன.
** மனிதர்களின் சுவாச மண்டலத்தின் வெளிச்சவ்வில் இந்த வைரஸ் நீண்ட நாட்களுக்கு வாழும் தன்மையுடையது.
நோய் அறிகுறிகள்
** கழுத்து சுழற்றிக்கொள்ளுதல், இறக்கைகள் மற்றும் கால்கள் செயலிழத்தல்
** கொண்டை நீல நிறமாக மாறுதல்
** முக வீக்கம்
** கழிச்சல்
** முட்டை உற்பத்தி குறைதல்
** திடீரென ஏற்படும் இறப்பு
நோய்த் தடுப்பு முறைகள்
** தடுப்பூசி போடுவது, முறையான மேலாண்மை, உயிர்ப்பாதுகாப்பு முறைகள் மூலம் நோய் வருவதைத் தடுக்கலாம்.
** இலசோட்டா, எஃப், பி 1 போன்ற லென்டோஜெனிக் வைரஸ் தடுப்பூசிகள், மீசோஜெனிக் தடுப்பூசிகளான எச், ஆர் 2 பி, முக்தேஷ்வர் போன்றவற்றை பயன்படுத்தி கோழிகளில் ராணிக்கெட் நோய்க்கெதிராக எதிர்ப்பு சக்தியை அதிகரிக்கலாம்.
** ஆரோக்கியமான கோழிக்குஞ்சுகளை அவற்றின் முதல் 1-4 நாள் வயதில் இந்நோய்க்கு எதிராகத் தடுப்பூசி அளித்து நோய் வராமல் தடுக்கலாம்.
** லென்டோஜெனிக் தடுப்பூசியினை கண் வழியாகவோ அல்லது மூக்கு வழியாகவோ முதல் தடுப்பூசியாக அளிக்கலாம்.
** மீசோஜெனிக் தடுப்பூசிகள் தோலுக்கடியிலோ அல்லது சதை வழியாகவோ 6-8 வார வயதில் இரண்டாம் தடுப்பூசியாகக் கொடுப்பதால் கோழிகள் நீண்ட காலத்திற்கு இந்நோய்க்கெதிரான எதிர்ப்பு சக்தியைப் பெறுகின்றன.
** செயலிழக்கப்பட்ட ராணிக்கெட் நோய் ஏற்படுத்தும் வைரஸ் உடன் எண்ணெய் கலந்த ரசாயனத்தைச் சேர்த்து நோய்த்தாக்குதல் அதிகமுள்ள பகுதிகளில் கோழிகளுக்கு தோலுக்கடியிலோ அல்லது சதை வழியாகவோ கொடுக்கும் போது நீண்ட நாட்களுக்கு இந்நோய்க்கெதிரான எதிர்ப்பு சக்தி அவற்றின் உடலில் இருக்கும்.
சேனலை கிளிக் செய்து பின்தொடரவும்
