Today Gold Rate in Chennai : பொதுமக்களுக்கு குட்நியூஸ்.. சரசரவென குறைந்த தங்கம் விலை.. எவ்வளவு தெரியுமா?

தங்கம் பெண்களுக்கு மிகவும் பிடித்தமான ஒன்றாகும். தென் இந்தியாவில் அதிகளவிலான தங்கத்தை வைத்துள்ள மாநிலத்தில் தமிழ்நாடு முன்னிலையில் வகிக்கிறது. மேலும் தமிழ்நாட்டு பெண்களின் தங்க நகைகள் மீதான மோகம் மிகவும் அதிகம் என்பது அனைவரும் அறிந்த ஒன்றே. இந்நிலையில், கடந்த சில நாட்களாக தங்கம் விலை உயர்ந்து வந்த நிலையில் இன்று விலை குறைந்துள்ளது. 

நேற்றைய நிலவரப்படி, சவரனுக்கு ரூ.280 உயர்ந்து ரூ.44,720க்கு விற்பனையானது. அதேபோல், தங்கம் கிராமுக்குரூ.35 உயர்ந்து ரூ.5,590க்கு விற்பனையானது.

இன்றைய (ஜூன் 12) நிலவரப்படி, சென்னையில் 22 கேரட் ஆபரணத் தங்கத்தின் விலை சவரனுக்கு ரூ.80 குறைந்து ரூ.44,640ஆக விற்பனை செய்யப்படுகிறது. 22 கேரட் தங்கம் கிராமுக்கு ரூ.10 குறைந்து ரூ.5,580ஆக விற்பனையாகிறது. 24 கேரட் தங்கம் கிராம் ஒன்றுக்கு ரூ. 6,049ஆக விற்பனையாகிறது. 24 கேரட் தங்கம் சவரன் ரூ. 48,392ஆக விற்பனையாகிறது.

வெள்ளி விலை 50 காசுகள் குறைந்து ஒரு கிராம் வெள்ளி ரூ.79.30க்கு விற்பனை செய்யப்படுகிறது. மேலும் ஒரு கிலோ வெள்ளி ரூ. 79,300க்கும் விற்பனை செய்யப்படுகிறது.