தவெகவில் இணைந்த செங்கோட்டையன்....வீடியோ வெளியிட்டு வரவேற்ற தவெக தலைவர் விஜய் !

முன்னாள் அமைச்சர் செங்கோட்டையன் இன்று விஜய் முன்னிலையில் தமிழக வெற்றி கழகத்தில் இணைந்தார். இந்நிலையில் கட்சியின் தலைவர் விஜய் வெளியிட்டள்ள வீடியோவில், “அனைவருக்கும் வணக்கம், 20 வயது இளைஞராக இருக்கும்போதே புரட்சி தலைவர் எம்ஜிஆர் அவர்களை நம்பி அவருடைய மன்றத்தில் சேர்ந்தவர். அந்த சின்ன வயதிலேயே எம்எல்ஏ என்ற பெரிய பொறுப்பை ஏற்றவர். அதன் பின்னர் அவருடைய பயணத்தில் அந்த இயக்கத்தின் இருபெரும் தலைவர்களின் நம்பிக்கைக்குரியவராக அரசியல் களத்தில் இருந்தவர். இப்படி 50 ஆண்டுகளாக ஒரே இயக்கத்தில் இருந்த அண்ணன் செங்கோட்டையன் அவர்கள் இன்று அவரது அரசியல் அனுபவமும், அவருடைய அரசியல் களப்பணியும் நம்முடைய தமிழக வெற்றி கழகத்திற்கு ஒரு பெரிய உறுதுணையாக இருக்கும் என்ற நம்பிக்கையுடன் இன்று அவருக்கும், அவருடன் இணைந்து நம்முடன் பணியாற்ற கை கோர்க்கும் அனைவருக்கும் மக்கள் பணியாற்ற வரவேற்கிறேன். நல்லது நடக்கும், நல்லதே நடக்கும், நல்லது மட்டுமே நடக்கும். வெற்றி நிச்சயம்..!” என்று குறிப்பிட்டுள்ளார்.