குவாட்டருக்கு 10 ரூபா கூட தான் விற்பேன்; டாஸ்மாக் சூப்பர்வைசர் அராஜகம்

டாஸ்மாக் கடைகளில் மதுபானங்களை கூடுதல் விலைக்கு விற்க கூடாது என்பது தமிழக அரசின் விதி, ஆனால் சென்னையை அடுத்த குன்றத்தூர் ஆண்டால்குப்பத்தில் செயல்பட்டு வரும் டாஸ்மாக் கடையில், குவாட்டர் மது பாட்டிலுக்கு 10 ரூபாய் அதிகம் வைத்து விற்பனை செய்யப்படுவதாக கூறப்படுகிறது. ஆனால் மது பிரியர் ஒருவர் தன்னால் 10 ரூபாய் கூடுதலாக கொடுக்க முடியாது என்றும் அரசு நிர்ணயித்த விலைக்கே மது பாட்டிலை தனக்கு வழங்க வேண்டும் எனவும் கடையின் சூப்பர்வைசரிடம் கேட்டுள்ளார். ஆனால் அதற்கு மது வாங்க வந்தவரை வசைபாடிய டாஸ்மாக் கடையின் சூப்பர்வைசர், தமிழ்நாடு முழுவதும் டாஸ்மாக் கடைகளில் கூடுதல் விலைக்கு தான் விற்பனை செய்யப்படுவதாகவும், அதனால் தானும் கூடுதல் விலைக்கு விற்பனை செய்வதாகவும் தெரிவித்த வீடியோ தற்போது சமூக வலைதளங்களில் வைரலாகி உள்ளது. குன்றத்தூர் ஆண்டால்குப்பத்தில்  செயல்பட்டு வரும் அந்த குறிப்பிட்ட டாஸ்மாக் கடையில் மட்டும் நாள் ஒன்றுக்கு சுமார் ஆயிரத்து 500 மது பாட்டில்கள் விற்கப்படுவதாகவும், இதன் மூலம் டாஸ்மாக்  சூப்பர்வைசர் ஜெயகுமார் மற்றும் கடையின் ஊழியர்கள் நாள் ஒன்றுக்கு 15 ஆயிரம் ரூபாய் வரை முறைகேடாக வருமானம் ஈட்டுவதாகவும் கூறப்படுகிறது.