மூளை பவர் ரொம்ப அதிகம்! புதிய தகவல் பரிமாற்ற முறையைக் கண்டுபிடித்த விஞ்ஞானிகள்!

இந்த சோடியம், கால்சியம் அயனிகளின் சமிக்ஞைகள் டென்ட்ரிடிக் செயல் திறன் (dCaAPs) எனப்படும் முற்றிலும் புதிய மின் அலைகளை உருவாக்குகின்றன என்று விஞ்ஞானிகள் சொல்கின்றனர்.

மூளை செல்கள் ஒன்றுக்கொன்று பேசும் புதிய வழியை விஞ்ஞானிகள் கண்டுபிடித்துள்ளனர். இது நாம் முன்பு புரிந்துகொண்டதை விட மிகவும் சிக்கலான மனித மூளையின் சக்தியைக் காட்டுவதாக உள்ளது என்றும் கருதுகின்றனர்.

2020ஆம் ஆண்டில் மேற்கொள்ளப்பட்ட ஆய்வு குறித்த கட்டுரை சயின்ஸ் அலெர்ட் இதழில் வெளியாகியுள்ளது. அதில், மூளை கால்சியம் அயனிகளைப் பயன்படுத்தி ஒரு தனித்துவமான சமிக்ஞையை வெளிப்படுத்துகிறது என்றும் இது மூளையின் தகவல் தொடர்பு கருவியில் மற்றொரு புதிய அம்சமாக உள்ளது என்றும் கூறப்பட்டுள்ளது.

மூளையின் வெளிப்புற அடுக்கில் இந்த செய்தி அனுப்பும் முறையை ஆராய்ச்சியாளர்கள் கண்டுபிடித்தனர். இதற்காக அறுவை சிகிச்சை செய்யப்பட்ட நோயாளிகளிடமிருந்து மூளை திசு மாதிரிகளைப் பெற்று பகுப்பாய்வு செய்த விஞ்ஞானிகள், மூளை செல்கள் சோடியம் அயனிகள் மட்டுமின்றி, கால்சியம் அயனிகளையும் பயன்படுத்தி சமிக்ஞைகளை அனுப்பவுதைக் கண்டறிந்தனர்.

இந்த சோடியம், கால்சியம் அயனிகளின் சமிக்ஞைகள் டென்ட்ரிடிக் செயல் திறன் (dCaAPs) எனப்படும் முற்றிலும் புதிய மின் அலைகளை உருவாக்குகின்றன என்று விஞ்ஞானிகள் சொல்கின்றனர்.

மனித மூளை பெரும்பாலும் கணினியுடன் ஒப்பிடப்படுகிறது. இரண்டுமே தகவல் பரிமாற்றத்துக்கு மின் சமிக்ஞைகளை நம்பியுள்ளன. கணினிகளில், இது எலக்ட்ரான்களின் ஓட்டத்தை உள்ளடக்கியது. அதே நேரத்தில் நியூரான்களும் பயன்படுத்துகின்றன.

இந்த பரிமாற்றம், ஒரு செயல்திறன் என அழைக்கப்படுகிறது. இது நியூரான்கள் பாரம்பரியமாக எவ்வாறு தொடர்பு கொள்கிறது. புதிதாக கண்டுபிடிக்கப்பட்ட dCaAP செயல்திறன் மூளையின் இதுவரை அறியப்படாத தகவல்தொடர்பு முறையைக் காட்டுவதாக  உள்ளது. இது மூளைக்குள் மிகவும் சிக்கலான தகவல் தொடர்பு நடைபெறுவதையும் உணர்த்துகிறது என ஆய்வு கூறுகிறது.

அறிவியல் முன்னேற்றத்திற்கான அமெரிக்க சங்கத்தில் ஜனவரி 2020 இல் பேசிய ஹம்போல்ட் பல்கலைக்கழக நரம்பியல் விஞ்ஞானி மேத்யூ லார்கம், "டென்ட்ரைட்டுகள் மூளையைப் புரிந்துகொள்வதில் மையமாக உள்ளன, ஏனெனில் அவை ஒற்றை நியூரான்களின் கணக்கீட்டு சக்தியை நிர்ணயிக்கும் மையத்தில் உள்ளன" என்று கூறினார்.