Jio Valentine’s Day offer: 87ஜிபி வரை இலவச டேட்டா! இன்னும் பல ஆஃபர்கள்!!
By Asianet Tamil | First Published Feb 14, 2023, 10:24 AM ISTகாதலர் தினத்தை முன்னிட்டு ரிலையன்ஸ் ஜியோ நிறுவனம், 87ஜிபி வரையிலான டேட்டா ஆஃபரை அறிவித்துள்ளது. இது குறித்த முழுமையான விவரங்களை இங்குக் காணலாம்.
ரிலையன்ஸ் ஜியோ நெட்வொர்க்கில் குறிப்பிட்ட ஒரு சில ப்ரீபெய்ட் பிளான்களில் காதலர் தின சலுகையை அறிவித்துள்ளது. அதன்படி, 87 ஜிபி வரை மொபைல் டேட்டா, விமான முன்பதிவுக்கான தள்ளுபடி, இலவச பர்கர் என பல ஆஃபர்களை வழங்குகிறது. இந்த சலுகைகள் ஜியோ நிறுவனத்தின் இணையதளத்திலும் அதிகாரப்பூர்வ MyJio ஆப்ஸிலும் பிரசுரிக்கப்பட்டுள்ளது. சமீபத்திய ஜியோ ப்ரீபெய்ட் திட்ட சலுகையைப் பற்றி தெரிந்து கொள்ள வேண்டிய விஷயங்களை பார்க்கலாம்.
ஜியோ காதலர் தின சலுகை 2023: ஆஃபர் விவரங்கள்
Latest Videos
undefined
வாடிக்கையாளர்கள் குறிப்பிட்ட சில ப்ரீபெய்ட் பிளான்களில் 87 ஜிபி வரை இலவச மொபைல் டேட்டாவைப் பெறுவார்கள் என்று அதிகாரப்பூர்வ My Jio செயலியில் தெரிவிக்கப்பட்டுள்ளது. ஒரே ஒரு ஜியோ பிளானில் மட்டுமே இந்த 87ஜிபி இலவச டேட்டாவை வழங்குகிறது. பிற சில பேக்குகளில் 12ஜிபி இலவச டேட்டா மட்டுமே உள்ளதாக தெரிகிறது.
Ixigoல் ரூ. 4,500 அல்லது அதற்கு மேற்பட்ட விமான முன்பதிவுகளுக்கு ரூ. 750 வரை தள்ளுபடியும், ஃபெர்ன்ஸ் அண்ட் பெட்டல்ஸ் ஆப்ஸ் மூலம் குறைந்தபட்சமாக ரூ. 799 ஆர்டரில் ரூ. 150 தள்ளுபடியும் வழங்கப்படுகிறது. இதே போல் மெக்டொனால்டில் ரூ.199 அல்லது அதற்கு மேலான ஆர்டருக்கு ரூ.105 மதிப்புள்ள சிக்கன் கபாப் அல்லது மெக்அலூ டிக்கி பர்கரை இலவசமாகப் பெறலாம். MyJio செயலியைப் பயன்படுத்தி அனைத்து சலுகைகளுக்கான அனைத்து கூப்பன்களையும் பெறலாம்.
WhatsApp-ல் இனி HD புகைப்படங்களை அனுப்பலாம்!
எந்தெந்த ப்ரீபெய்ட் பிளான்கள்?
ரிலையன்ஸ் ஜியோவின் ரூ.249, ரூ.349, ரூ.899 மற்றும் ரூ.2,999 என நான்கு ப்ரீபெய்ட் பிளான்களில் காதலர் தின சலுகை வழங்கப்படுகிறது.. முதல் ப்ரீபெய்ட் திட்டத்தில் 2ஜிபி தினசரி டேட்டா திட்டம் உள்ளது மற்றும் 23 நாட்கள் வேலிடிட்டியுடன் வருகிறது. ரூ 349 ப்ரீபெய்ட் ஜியோ திட்டம் ஒரு நாளைக்கு 2.5 ஜிபி டேட்டாவை வழங்குகிறது மற்றும் இது 30 நாட்கள் வேலிடிட்டியுடன் வருகிறது..
இதேபோல், ரூ.899 ஜியோ ப்ரீபெய்ட் திட்டமானது தினசரி 2.5ஜிபி டேட்டாவுடன், 90 நாட்கள் வேலிடிட்டி காலத்துடன் வருகிறது. ரூ.2,999 என்பது நீண்ட கால ப்ரீபெய்ட் திட்டமாகும், இது 87ஜிபி இலவச மொபைல் டேட்டாவுடன் 2.5ஜிபி தினசரி டேட்டாவுடன் வருகிறது. இதன் வேலிடிட்டி 388 நாட்கள் ஆகும்.
சேனலை கிளிக் செய்து பின்தொடரவும்