அடுத்த மாதம் இந்தியா வரும் ரெட்மி நோட் 11S ஸ்மார்ட்போன்
சுருக்கம்
ரெட்மி நோட் 11S ஸ்மார்ட்போன் இந்திய வெளியீட்டு தேதி அதிகாரப்பூர்வமாக அறிவிக்கப்பட்டு இருக்கிறது. இது அந்நிறுவனத்தின் பட்ஜெட் ரக ஸ்மார்ட்போன் ஆகும்.
ரெட்மி நோட் 11S மாடலுக்கான டீசர்களை தொடர்ந்து தற்போது இதன் வெளியீட்டு தேதி அறிவிக்கப்பட்டு இருக்கிறது. அதன்படி இந்திய சந்தையில் புதிய ரெட்மி நோட் 11S ஸ்மார்ட்போன் பிப்ரவரி 9 ஆம் தேதி அறிமுகமாகிறது. புது ஸ்மார்ட்போனிற்கென ரெட்மி பிரத்யேக வலைப்பக்கம் ஒன்றையும் வெளியிட்டுள்ளது. வெளியீட்டு தேதியை தொடர்ந்து இந்த ஸ்மார்ட்போனின் அம்சங்கள் வரும் நாட்களில் ஒவ்வொன்றாக அறிவிக்கப்படும் என தெரிகிறது.
புதிய ரெட்மி நோட் ஸ்மார்ட்போன் மெய்ல் எனும் குறியீட்டு பெயரில் உருவாகி வருகிறது. எனினும், இதன் அம்சங்கள் மிக ரகசியமாகவே வைக்கப்பட்டுள்ளது. இதுவரை வெளியாகி இருக்கும் டீசர்களின் படி ரெட்மி நோட் 11S ஸ்மார்ட்போனின் டிசைன் விவரங்கள், செவ்வக கேமரா மாட்யூல், எல்.இ.டி. ஃபிளாஷ் உள்ளிட்டவைகளை கொண்டிருக்கும் என தெரியவந்துள்ளது.
அம்சங்களை பொருத்தவரை இந்த மாடலில் 90Hz AMOLED டிஸ்ப்ளே, மீடியாடெக் பிராசஸரஹ், எம்.ஐ.யு.ஐ. 13 ஓ.எஸ்., 108MP பிரைமரி கேமரா, 8 MP அல்ட்ரா வைடு ஆங்கில் லென்ஸ், 2MP ஆம்னிவிஷன் மேக்ரோ கேமரா, 2MP டெப்த் கேமரா வழங்கப்படுகிறது. இந்த ஸ்மார்ட்போன் 6GB + 64GB, 6GB + 128GB, மற்றும் 8GB + 128GB மெமரி ஆப்ஷன்களில் கிடைக்கும் என தெரிகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.