அடுத்த அதிரடிக்கு அம்பானி தயார் ; ஜியோ செட்டாப் பாக்ஸ் வந்துடுச்சு... 3 மாதத்துக்கு ஃப்ரீ
சுருக்கம்
jio launches set top box and free subscription for 3 months
ரிலையன்ஸ் ஜியோ நிறுவனம் டி.டி.எச். சேவைகளை வழங்க இருப்பதாக கூறப்பட்டு வந்த நிலையில் இதனை உறுதி செய்யும் வகையில் ஜியோ செட்-டாப் பாக்ஸ் புகைப்படம் இணையத்தில் வெளியாகி உள்ளது. விரைவில், இன்டர்நெட் அடிப்படையிலான(ஐ.பி.) செட்-டாப்பாக்ஸ் சேவையை தொடங்க உள்ளது.
இதற்கு முன் வட்ட வடிவ செட்-டாப் பாக்ஸ், ரிமோட் போன்றவை இருப்பது போல் இருந்தன. ஆனால், இப்போது வெளியாகி இருக்கும் செட்-டாப் பாக்ஸ் சதுர வடிவத்தில், கருப்பு நிறம் கொண்டுள்ளது.
வித்தியாசமாக வடிவமைக்கப்பட்டுள்ள செட்-டாப் பாக்ஸ் டிஷ் அல்லது ஜியோ பைபர் மூலம் இணைக்கப்படும் என எதிர்பார்க்கப்படுகின்றது. ஜியோ பைபர் திட்டம் மூலம் நொடிக்கு 1 ஜி.பி. என்ற வேகத்தில் இண்டர்நெட் பயன்படுத்த முடியும் என்பது குறிப்பிடத்தக்கது.
இப்போது இந்த செட்-டாப் பாக்ஸ் சோதனை ஓட்டமாக மும்பையில் செயல்படுத்தப்பட்டு வருகிறது என்பதால், விற்பனைக்கு இல்லை என்று அந்த பாக்சில் தெரிவிக்கப்பட்டுள்ளது.
இணைய தளத்தில் வெளியாகி இருக்கும் இந்த புகைப்படத்தில் ஜியோ செட்-டாப் பாக்ஸ் சாதனத்தில் பல்வேறு போர்ட்கள் இடம்பெற்றுள்ளன. செட்-டாப் பாக்சில் கேபிள் இணைக்கும் போர்ட், எச்.டி.எம்.ஐ. போர்ட், யு.எஸ்.பி. போர்ட், ஆடியோ, வீடியோ போர்ட், மற்றும் இன்டர்நெட்இணைப்புக்கான போர்ட் ஆகியவையும் இருக்கின்றன.
ஜியோ செட்-டாப் பாக்ஸ்-இல் வாடிக்கையாளர்கள் பிராட்பேண்ட் கேபிளை நேரடியாக பொருத்த முடியும் என்றும் கூறப்படுகின்றது. இதன் மூலம் அதிவேக இணைய வசதியை பெற முடியும். இத்துடன் இதில் காணப்படும் மைக் பட்டன் இதில் வாய்ஸ் ரெக்கனேஷன் வசதிகள் வழங்கப்படலாம்.
ஜியோ செட்-டாப் பாக்சில் புதிய அம்சமாக ‘கேட்ச் அப்’ என்ற வசதி சேர்க்கப்பட்டுள்ளது. அதாவது, ஒரு குறிப்பிட்ட சேனலின் நிகழ்ச்சிகளை ஒரு வாரத்துக்கு நாம் பதிவு செய்து வைத்து பார்க்க முடியும்.
முதல்கட்டமாக ஜியோ செட்-டாப் பாக்சில் 300 சேனல்களும், அதன்பின், கூடுதலாக சேனல்களும்கொண்டு வரப்பட உள்ளன.
ஜியோ செட்-டாப் பாக்ஸ் இந்த மாதத்தில் அறிமுகம் செய்யப்படலாம் என எதிர்பார்க்கப்படுகின்றது. இதே சமயத்தில் ஜியோ பைபர் பிராட்பேண்ட் சேவையும் அறிமுகம் செய்யப்படலாம் என கூறப்படுகின்றது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.