இன்று நீட் தேர்வு: தமிழகத்தில் இருந்து 1.5 லட்சம் மாணவர்கள் எழுதுகின்றனர்

இளநிலை மருத்துவப் பட்டப்படிப்புக்கான நீட் தேர்வை நாடு முழுவதும் 20 லட்சத்துக்கும் அதிகமான மாணவர்கள் எழுதுகின்றனர். தமிழகத்தில் இருந்து மட்டும் கிட்டத்தட்ட 1.5 லட்சம் மாணவர்கள் எழுத உள்ளனர்.

நீட் (NEET) எனப்படும் இளநிலை மருத்துவப் படிப்புகளுக்கான நுழைவுத் தேர்வை தேசிய தேர்வு முகமை (NTA) ஆண்டுதோறும் நடத்துக்கிறது. இளநிலை மற்றும் முதுநிலை படிப்புகளுக்கு தனித்தனியாக இத்தேர்வு நடத்தப்படுகிறது. 2023ஆம் ஆண்டுக்கான இளநிலை மருத்துவப் படிப்புகளுக்கான நீட் யூஜி (NEET UG) தேர்வு இன்று நடக்கிறது.

பிற்பகல் 2 மணி முதல் மாலை 5.20 மணி வரை தேர்வு நடைபெறும். இத்தேர்வை எழுத நாடு முழுவதும் 20 லட்சத்துக்கும் அதிகமான மாணவர்களும், தமிழகத்தில் இருந்து மட்டும் கிட்டத்தட்ட 1.5 லட்சம் மாணவர்களும் ஆன்லைன் மூலம் இந்தத் தேர்வுக்கு விண்ணப்பித்துள்ளனர்.

நீட் தேர்வுக்கான ஹால் டிக்கெட்டுகளை தேசிய தேர்வு முகமை வெளியிட்டுள்ளது. விண்ணப்பதாரர்கள் neet.nta.nic.in என்ற தேசிய தேர்வுகள் முகமையின் அதிகாரப்பூர்வ இணையதளத்திற்குச் சென்று தங்கள் அட்மிட் கார்டை பதிவிறக்கம் செய்ய முடியும்.

நீட் தேர்வு மையத்திற்குள் மதியம் 1:30 மணிக்குப் பிறகு எந்த ஒரு தேர்வரும் நுழைய அனுமதிக்கப்பட மாட்டார்கள். எனவே, போக்குவரத்து, மையத்தின் இருப்பிடம் மற்றும் வானிலை நிலைமைகள் போன்ற பல்வேறு காரணிகளைக் கருத்தில் கொண்டு, வேட்பாளர்கள் தங்கள் மறுவாழ்வைத் திட்டமிடுமாறு அறிவுறுத்தப்படுகிறார்கள். நீட் தேர்வு எழுதும் தேர்வுக் கூடங்களில் நீண்ட சட்டையுடன் கூடிய லேசான ஆடைகள் அனுமதிக்கப்படாது.

இதனிடையே அண்மையில் மக்களவையில் பேசிய மத்திய சுகாதாரம் மற்றும் குடும்ப நலத்துறை இணை அமைச்சர் பாரதி பிரவின் பவார் ஆண்டுக்கு இரண்டு முறை நீட் தேர்வு நடத்தும் திட்டம் எதுவும் இல்லை எனக் கூறினார். தேசிய மருத்துவ ஆணையம் (என்எம்சி) மற்றும் தேசிய தேர்வுகள் முகமை (என்டிஏ) ஆகியவையும் நீட் யுஜி தேர்வை ஒரு வருடத்தில் இரண்டு முறை நடத்தும் திட்டம் எதுவும் இல்லை என்று தெரிவித்துள்ளன.

நாடு முழுவதும் நடைபெறும் இந்த நீட் தேர்வு மணிப்பூர் மாநிலத்தில் மட்டும் மட்டும் ஒத்திவைக்கப்படுவதாக அறிவிக்கப்பட்டுள்ளது. அந்த மாநிலத்தில் கடந்த புதன்கிழமை மெய்ட்டீஸ் சமூகத்தினருக்கு பட்டியலின பழங்குடி மக்கள் அந்தஸ்து வழங்குவது தொடர்பாக இரு தரப்பினர் இடையே கலவரம் மூண்டது. அங்கு மெல்ல இயல்பு நிலை திரும்பி வருகிறது.