Tamil News Live Updates: சட்டமன்ற சிறப்புக் கூட்டத்தில் பங்கேற்கிறது அதிமுக

தொழிற்சாலையை வானத்திலா கட்ட முடியும் என்று  அமைச்சர் எ. வ. வேலு செய்யாறு சிப்காட் எதிர்ப்பு போராட்டம் குறித்து காட்டமாக பேசியுள்ளார்.

சூரசம்ஹார விழாவை முன்னிட்டு டாஸ்மாக் கடைகளை மூட உத்தரவிடப்பட்டுள்ளது. இதன் மூலம் குறிப்பிட்ட மாவட்டத்தில் டாஸ்மாக் கடைகள் இயங்காது.

தேசிய தேர்வு முகமை, யுஜிசி நெட் (UGC NET) டிசம்பர் 2023க்கான பாடம் வாரியான தேர்வு அட்டவணையை வெளியிட்டுள்ளது. விரிவான அட்டவணை NTA இன் அதிகாரப்பூர்வ இணையதளமான nta.ac.in இல் கிடைக்கிறது.

அகமதாபாத்தில் நடந்த கிரிக்கெட் உலகக் கோப்பை இறுதிப் போட்டிக்கான (IAF) விமான கண்காட்சியின் வீடியோ சமூக வலைத்தளங்களில் வைரலாகி வருகிறது.

ஐசிசி உலகக் கோப்பை கிரிக்கெட் தொடரின் இறுதிப்போட்டி நாளை மறுநாள் அதாவது, நவம்பர் 19-ம் தேதி குஜராத் மாநிலம் அகமதாபாத் நரேந்திர மோடி மைதானத்தில் நடைபெற உள்ளது.

செய்யார் சிப்காட் தொழிற்பூங்கா அமைப்பதற்கு எதிரான வன்முறைப் போராட்டத்தின் போது கைது செய்யப்பட்ட 6 பேர் மீது போடப்பட்ட குண்டர் தடுப்புச் சட்டத்தை ரத்து செய்து முதல்வர் ஸ்டாலின் உத்தரவிட்டுள்ளார்

கருணாநிதி விருப்பத்திற்கு எதிராக திமுக செயல்படுவது ஏன் என பாஜக கேள்வி எழுப்பியுள்ளது

ஏதர் எனர்ஜி நிறுவனத்தில் இருந்து வரவிருக்கும் எலக்ட்ரிக் ஸ்கூட்டர் ஒருமுறை சார்ஜ் செய்தால் 150 கிமீ வரை செல்லும். இதன் விலை மற்றும் சிறப்பு அம்சங்கள் பற்றி இங்கு தெரிந்து கொள்ளுங்கள்.

மத்தியப்பிரதேச மாநில உள்துறை அமைச்சர் மீது நடவடிக்கை எடுக்க வேண்டும் என காங்கிரஸ் கட்சி வலியுறுத்தியுள்ளது

திரைப்படங்களை ஒரு நொடியில் 150 முறைக்கு மேல் பதிவிறக்கம் செய்யக்கூடிய உலகின் அதிவேக இணையத்தை இப்போது சீனா கொண்டுள்ளது.

உலகக் கோப்பை 2023-ன் வெற்றியாளர் யாராக இருக்கப்போகிறார்கள் என்பதை பிரபல ஜோதிடர் ஒருவர் கணித்து கூறியுள்ளார். அது இந்தியாவா அல்லது ஆஸ்திரேலியாவா என்பதை தெரிந்து கொள்ளுங்கள்.

பாஜகவில் இருந்து விலகிய நடிகை விஜயசாந்தி காங்கிரஸ் கட்சியில் தன்னை இணைத்துக் கொண்டார்

ரிசர்வ் வங்கி தனிநபர் கடன் தொடர்பான விதிகளை மாற்றியுள்ளது. அந்த விதிகள் என்ன, யாருக்கெல்லாம் பொருந்தும் போன்ற விவரங்களை தெரிந்து கொள்ளுங்கள்.

ஞானவாபி மசூதி வழக்கில் ஆய்வு செய்யப்பட்ட அறிக்கையை சமர்ப்பிக்க தொல்லியல் துறை கால அவகாசம் கோரியுள்ளது

முத்தமிழறிஞர் டாக்டர் கலைஞரின் நூற்றாண்டு விழாவினை முன்னிட்டு, “எழுத்தாளர் – கலைஞர்” குழுவின் சார்பில், சிவகங்கை மாவட்டத்திற்கு இன்று (14.11.2023) வருகை புரிந்த ”முத்தமிழ்த்தேர்” அலங்கார ஊர்தியினை, கூட்டுறவுத்துறை அமைச்சர் கே.ஆர்.பெரியகருப்பன், மாவட்ட ஆட்சித்தலைவர் ஆஷா அஜித் தலைமையில் வரவேற்றனர்.

2023 ODI உலகக் கோப்பைக்குப் பிறகு ரோஹித் சர்மா இப்போது பள்ளி பாடத்திட்டத்தின் ஒரு பகுதியாக மாறியுள்ளார். இதுதொடர்பான புகைப்படங்கள் சமூக வலைத்தளங்களில் வைரல் ஆகி வருகிறது.

அனைத்து வகையான பயணிகள் வாகனங்களையும் பொதுப் போக்குவரத்து வாகனங்களாக பதிவு செய்து பெர்மிட் வழங்க போக்குவரத்து துறை ஆணையர் அனுமதி வழங்கியுள்ளார்

டீப் ஃபேக் தொழில்நுட்பம் மிகப்பெரிய கவலை என பிரதமர் மோடி தெரிவித்துள்ளார்.

ரூ.80,000க்கும் குறைவாக விலையில் சிறந்த மைலேஜ் தரும் பைக்குகள் பற்றி இங்கு காணலாம்.
 

கந்த சஷ்டி திருவிழாவையொட்டி நாளை தூத்துக்குடி மாவட்டத்தில் உள்ள பள்ளி, கல்லூரிகளுக்கு அம்மாவட்ட ஆட்சியர் உள்ளூர் விடுமுறை அறிவித்துள்ளார். 

மேல்மலையனூர் அங்காளபரமேஸ்வரி அம்மன் ஆலயத்தில் கடந்த 2019ஆம் ஆண்டு முதல் பழுதடைந்து இருந்த தங்கத்தேர் சரி செய்யப்பட்டு வெள்ளோட்டம் நடைபெற்றது. 

நாளை நடைபெற உள்ள சட்டமன்ற சிறப்புக் கூட்டத்தில் அதிமுக பங்கேற்கிறது. சேலத்தில் இருந்து இன்று சென்னை திரும்பும் அதிமுக பொதுச்செயலாளர் எடப்பாடி பழனிசாமி மூத்த நிர்வாகிகளை சந்திக்க உள்ளார். 

வடமேற்கு வங்கக்கடலில் மிதிலி புயல் உருவானதை குறிக்கும் வகையில் சென்னை, கடலூர், நாகப்பட்டினம், எண்ணூர், காட்டுப்பள்ளி, புதுச்சேரி, காரைக்கால், பாம்பன், தூத்துக்குடி ஆகிய 9 துறைமுகங்களில் 2ம் எண் புயல் எச்சரிக்கை கூண்டு ஏற்றிட வானிலை ஆய்வு மையம் அறிவுறுத்தியுள்ளது.

போடியில் கணவன் கழுத்தை நெரித்து கொலை செய்துவிட்டு தூக்கிட்டு தற்கொலை செய்து கொண்டதாக நாடகமாடிய மனைவியை போலீசார் அதிரடியாக கைது செய்துள்ளனர். 

தங்கத்தின் விலை கடந்த சில நாட்களாக தொடர்ந்து  ஏற்றம், இறக்கம் கண்டு வந்த நிலையில் இன்றைய தங்கம் மற்றும் வெள்ளி விலை நிலவரத்தை காணலாம்.

செய்யாறு அருகே விளைநிலங்கள் கையப்படுத்துவதை எதிர்த்துப் போராட்டத்தில் ஈடுபட்ட விவசாயிகள் மீது குண்டர் தடுப்புச் சட்டத்தில் நடவடிக்கை எடுத்திருப்பது கடும் கண்டனத்துக்குரியது என டிடிவி.தினகரன் கூறியுள்ளார்.

மத்தியப் பிரதேசம் மாநிலத்தில் உள்ள 230 சட்டப்பேரவை தொகுதிகளுக்கும் வாக்குப்பதிவு தொடங்கியது. அதேபோல், சத்தீஸ்காரில் ஏற்கனவே 20 தொகுதிகளுக்கு வாக்குப்பதிவு முடிவடைந்த நிலையில், மீதமுள்ள 70 தொகுதிகளுக்கான வாக்குப்பதிவு தொடங்கியது.

திருவண்ணாமலை அண்ணாமலையார் கோயில் தீபத்திருவிழா கொடியேற்றத்துடன் தொடக்கம். அண்ணாமலையார் சன்னதி அருகே உள்ள 64 அடி உயரம் கொண்ட தங்க கொடிமரத்தில் கொடியேற்றும் நிகழ்வு விமர்சையாக நடைபெற்றது. நவம்பர் 26ம் தேதி அதிகாலை பரணி தீபமும், மாலை 6 மணிக்கு மகா தீபமும் ஏற்றப்படுகிறது.

இந்து கோவில்களை மட்டும் தங்கள் பிடியில் வைத்துள்ள மதச்சார்பற்ற தமிழ்நாடு அரசு, பக்தர்களிடம் கொள்ளை அடிப்பதை ஏற்க முடியாது என வானதி சீனிவாசன் கூறியுள்ளார். 

ஆவின் டிலைட் 500 மி.லி பால் பாக்கெட்களின் விலை உயர்த்தப்படவில்லை என தமிழ்நாடு பால் உற்பத்தியாளர்கள் கூட்டுறவு இணையத்தின் மேலாண்மை இயக்குநர் விளக்கம் அளித்துள்ளார்.