வியட்நாம் ஓபன் டென்னிஸ்: இந்தியாவின் யூகி பாம்ப்ரி காலிறுதிக்கு முன்னேற்றம்…

Vietnam Open Tennis Indias Yuki Bhambri progress to quarter-finals

வியட்நாம் ஓபன் டென்னிஸ் போட்டியில் இந்தியாவின் யூகி பாம்ப்ரி காலிறுதிக்கு முன்னேறியுள்ளார்.

வியட்நாம் ஓபன் டென்னிஸ் வியட்நாமில் நடைபெற்று வருகிறது, இந்தப் போட்டியில் இந்தியாவின் யூகி பாம்ப்ரி தனது 2-வது சுற்றில் சீன தைபேவின் டி சென்னை எதிர்கொண்டார்.

இதில், 6-3, 6-1 என்ற நேர் செட்களில் டி சென்னை வீழ்த்தினார் யூகி பாம்ப்ரி. இதன்மூலம் காலிறுதியில் கால்பதித்தார் யூகி பாம்ப்ரி.

டி சென்னுக்கு எதிராக தொடர்ச்சியாக 4-வது வெற்றியைப் பெற்றுள்ளார் யூகி பாம்ப்ரி. 

வெற்றிக் குறித்து யூகி பாம்ப்ரி பேசியது:

'எனது ஆட்டம் மகிழ்ச்சியளிக்கிறது. எனது சர்வீஸும், தாக்குதல் ஆட்டமும் சிறப்பாக அமைந்தது. ஒவ்வொரு ஆட்டத்தின் மூலமும் என்னை மேம்படுத்திக் கொள்ள முடியும் என நம்புகிறேன்' என்று மகிழ்ச்சியுடன் தெரிவித்தார்.