முதல் நாள் ஆட்ட முடிவில் 321 ஓட்டங்கள் எடுத்து அசத்தியது இலங்கை…

Sri Lanka 321 runs at the end of the match to take the offering for the first time ...

வங்கதேசத்துக்கு எதிரான முதலாவது டெஸ்ட் கிரிக்கெட் போட்டியின் முதல் நாளில் இலங்கை 88 ஓவர்களில் 4 விக்கெட் இழப்புக்கு 321 ஓட்டங்கள் எடுத்துள்ளது.

வங்கதேசம் – இலங்கை அணிகளுக்கு இடையே இலங்கையின் காலே நகரில் நேற்றுத் தொடங்கிய ஆட்டத்தில் டாஸ் வென்ற இலங்கை முதலில் பேட் செய்ய தீர்மானித்தது.

அந்த அணியின் தொடக்க வீரர் கருணாரத்னே 30 ஓட்டங்களுக்கு ஆட்டமிழந்தார். உபுல் தரங்கா வந்தவுடன் 4 ஓட்டங்களில் பெவிலியன் திரும்பினார்.

அடுத்து வந்த குசல் மெண்டிஸ் நிலைத்து ஆடி அணியின் ஓட்டங்கள் உயர்த்தினார்.

மறுமுனையில், சண்டிமல் 5 ஓட்டங்களில் ஆட்டமிழக்க தொடர்ந்து வந்த குணரத்னே, கருணாரத்னேவுடன் இணைந்து நிலைத்தார். 165 பந்துகளில் 14 பவுண்டரிகளுடன் சதம் கடந்தார் மெண்டிஸ்.

உடன் ஆடிய குணரத்னே 86 பந்துகளில் 4 பவுண்டரிகளுடன் அரைசதம் கடந்து ஆடி வந்த நிலையில் 85 ஓட்டங்களில் டஸ்கின் அகமது பந்துவீச்சில் போல்டானார்.

முதல்நாள் ஆட்டநேர முடிவில் 88 ஓவர்களில் 4 விக்கெட் இழப்புக்கு 321 ஓட்டங்கள் எடுத்துள்ளது இலங்கை.

டிக்வெல்லா 14, மெண்டிஸ் 166 ஓட்டங்களுடன் களத்தில் உள்ளனர்.

வங்கதேச தரப்பில், முஸ்டாஃபிஸýர் ரஹீம், டஸ்கின் அகமது, சுபஷிஸ் ராய், மெஹதி ஹசன் மிராஸ் ஆகியோர் தலா 1 விக்கெட் வீழ்த்தியுள்ளனர்.