துடிப்பான மற்றும் சிறந்த இளம் வீரர்களில் ஒருவரான சஞ்சு சாம்சன், இந்திய அணியில் இடத்தை பிடிக்க போராடி வருகிறார். இந்திய ஏ அணியில் ஆடும் வாய்ப்பையும் யோ யோ டெஸ்ட்டில் தோல்வியடைந்ததால் இழந்த சஞ்சு சாம்சன், பெங்களூருவில் தோனியை சந்தித்துள்ளார்.
ஐபிஎல்லில் ராஜஸ்தான் அணிக்காக ஆடும் சஞ்சு சாம்சன், சிறப்பான பேட்ஸ்மேன் மட்டுமல்லாது நல்ல விக்கெட் கீப்பரும் கூட. இந்த சீசனில் அந்த அணி பிளே ஆஃபிற்கு தகுதி பெற்றதற்கு சஞ்சு சாம்சனின் பேட்டிங்கும் ஒரு காரணம்.
<script async defer src="//www.instagram.com/embed.js"></script>
தோனியிடம் உடற்தகுதி தொடர்பான ஆலோசனைகளை சஞ்சு சாம்சன் பெற்றிருக்கக்கூடும் என கூறப்படுகிறது. இளம் வீரர்களுக்கு கிரிக்கெட் நுணுக்கங்களை கற்றுக்கொடுப்பதில் தோனிக்கு நிகர் தோனி தான். இதை பல தருணங்களில் அவரது செயல்பாடுகளின் மூலமாகவும் இளம் வீரர்கள் கூறுவதன் மூலமாகவும் அறியலாம். அதிலும் விக்கெட் கீப்பர்களுக்கு கீப்பிங் நுணுக்கங்களை கற்றுக்கொடுப்பதில் தோனிக்கு அளாதி ஆர்வம். அந்த வகையில், சஞ்சு சாம்சனுக்கும் சில நுணுக்கங்களை கண்டிப்பாக தோனி கற்று கொடுத்திருப்பார்.