புரோ கபடி லீக்: ஹரியானாவை வீழ்த்தி முதலிடத்தில் நீடிக்கும் பெங்களூரு! புனேயிடம் தமிழ் தலைவாஸ் போராடி தோல்வி

புரோ கபடி லீக் தொடரின் இன்றைய போட்டியில் புனேரி பல்தான் அணியிடம் 35-34 என்ற புள்ளி கணக்கில் போராடி தோல்வியை தழுவியது தமிழ் தலைவாஸ் அணி.  

புரோ கபடி லீக் தொடரின் 9வது சீசன் விறுவிறுப்பாக நடந்துவருகிறது. இந்த சீசனின் தொடக்கத்தில் தொடர் தோல்விகளை தழுவிவந்த தமிழ் தலைவாஸ் அணி, தொடரின் பிற்பாதியில் வலுவான அணிகளை எல்லாம் தொடர்ச்சியாக வீழ்த்தி வெற்றிகளை பெற்றுவந்த நிலையில், இன்று புனேரி பல்தானிடம் தோற்றது. 

டபாங் டெல்லி, ஜெய்ப்பூர் பிங்க் பாந்தர்ஸ் அணிகளை வீழ்த்திய தமிழ் தலைவாஸ் அணி, தெலுங்கு டைட்டன்ஸ் மற்றும் புனேரி பல்தான் அணிகளையும் வீழ்த்தி வெற்றி பெற்றது. புனேரி பல்தானை 35-34 என வீழ்த்திய தமிழ் தலைவாஸ் அணி, அதே 35-34 என்ற புள்ளி கணக்கில் இன்று புனேரி பல்தானிடம் தோற்றது. 

35-34 என்ற புள்ளி கணக்கில் தமிழ் தலைவாஸிடம் தோற்ற புனேரி பல்தான் அணி, அதே புள்ளி கணக்கில் தமிழ் தலைவாஸை வீழ்த்தி பழிதீர்த்தது. பரபரப்பான இந்த போட்டியில் ஒரு புள்ளி வித்தியாசத்தில் தோல்வியை தழுவியது தமிழ் தலைவாஸ் அணி.

இன்று நடந்த முதல் போட்டியில் பெங்களூரு புல்ஸ் மற்றும் ஹரியானா ஸ்டீலர்ஸ் அணிகள் மோதின. அந்த போட்டியில் வழக்கம்போலவே அபாரமாக விளையாடிய பெங்களூரு புல்ஸ் 36-33 என வெற்றி பெற்று முதலிடத்தை வலுவாக பிடித்து தொடர்ந்து முதலிடத்திலேயே நீடிக்கிறது.

புனேரி பல்தான் அணி புள்ளி பட்டியலில் 2ம் இடத்தில் உள்ளது. தமிழ் தலைவாஸ் அணி 5ம் இடத்தில் உள்ளது.