ரியல் மாட்ரிட்டை பந்தாடியது வேலன்சியா அணி…

ஸ்பெயின் லீக் கால்பந்து போட்டியில் வேலன்சியா அணி 2-1 என்ற கோல் கணக்கில் ரியல் மாட்ரிட் அணியை வீழ்த்தி பந்தாடியது.

ஸ்பெயின் தலைநகர் மாட்ரிட்டில் நடைபெற்ற லீக் கால்பந்து போட்டியில் 5-ஆவது நிமிடத்தில் சைமன் ஸாஸாவும், 9-ஆவது நிமிடத்தில் ஃபாபியன் ஓரெல்னாவும் கோலடிக்க, வேலன்சியா அணி 2-0 என்ற கோல் கணக்கில் முன்னிலை பெற்றது.

இதனால் கடும் நெருக்கடிக்குள்ளான ரியல் மாட்ரிட் அணி கோலடிக்க தொடர்ந்து போராடியது. அதற்கு 44-ஆவது நிமிடத்தில் பலன் கிடைத்தது. கிறிஸ்டியானோ ரொனால்டோ தலையால் முட்டி கோலடிக்க, மாட்ரிட் அணிக்கு முதல் கோல் கிடைத்தது.

முதல் பாதி ஆட்டநேர முடிவில் வேலன்சியா அணி 2-1 என்ற கோல் கணக்கில் முன்னிலையில் இருந்தது. ஆனால், 2-ஆவது பாதி ஆட்டத்தில் கோல் எதுவும் விழவில்லை. இதனால் வேலன்சியா 2-1 என்ற கோல் கணக்கில் வெற்றி கண்டது.

ரியல் மாட்ரிட் அணி 52 புள்ளிகளுடன் தொடர்ந்து முன்னிலையில் இருந்தாலும், இந்த ஆட்டத்தில் தோற்றது அந்த அணிக்கு பின்னடைவாகவே பார்க்கப்படுகிறது.