செய்யது முஷ்டாக் அலி: 7 விக்கெட்டுகள் வித்தியாசத்தில் ஆந்திராவை வீழ்த்தியது தமிழகம்...

Murtak Ali match tamilagam won andhra by 7 wickets

செய்யது முஷ்டாக் அலி டி20 கிரிக்கெட் போட்டியின் தெற்கு மண்டல ஆட்டத்தில் தமிழகம் 7 விக்கெட்டுகள் வித்தியாசத்தில் ஆந்திர பிரதேசத்தை வென்றது.

செய்யது முஷ்டாக் அலி டி20 கிரிக்கெட் போட்டியின் தெற்கு மண்டல ஆட்டம் விசாகப்பட்டினத்தில் நடைபெற்றது.

இந்த ஆட்டத்தில் முதலில் பேட் செய்த ஆந்திரம் 20 ஓவர்களில் 7 விக்கெட் இழப்புக்கு 119 ஓட்டங்கள் எடுத்தது.

அடுத்து ஆடிய தமிழகம் 14.4 ஓவர்களில் 3 விக்கெட் இழப்புக்கு 122 ஓட்டங்கள் எடுத்து வென்றது.

தெற்கு மண்டலத்தின் இதர ஆட்டங்களில் ஹைதராபாத் 10 ஓட்டங்கள் வித்தியாசத்தில் கேரளத்தையும், கர்நாடகம் 49 ஓட்டங்கள் வித்தியாசத்தில் கோவாவையும் வென்றன.

மேற்கு மண்டல பிரிவில் சௌராஷ்டிரம் 4 ஓட்டங்கள் வித்தியாசத்தில் மகாராஷ்டிரத்தையும், மும்பை 5 விக்கெட்டுகள் வித்தியாசத்தில் குஜராத்தையும் வீழ்த்தியது.

மத்திய மண்டலத்தில் ராஜஸ்தான் 36 ஓட்டங்கள் வித்தியாசத்தில் மத்திய பிரதேசத்தையும், விதர்பா 48 ஓட்டங்கள் வித்தியாசத்தில் சத்தீஸ்கரையுன் வீழ்த்தியது.

வடக்கு மண்டலத்தில் இமாசல பிரதேச அணி ஹரியாணாவையும், சர்வீசஸ் 9 விக்கெட் வித்தியாசத்தில் ஜம்மூ காஷ்மீரையும் வீழ்த்தியது.

கிழக்கு மண்டல ஆட்டத்தில் மேற்கு வங்கம் 7 விக்கெட் வித்தியாசத்தில் ஒடிஸாவையும், திரிபுரா 8 ஓட்டங்கள் வித்தியாசத்தில் அஸ்ஸாமையும் வீழ்த்தியது.