ஐ.எஸ்.எல்: புனேவை வீழ்த்தி 5-வது வெற்றியை அடைந்தது கேரளா...

IsL Kerala won 5th victory defeat pune

இந்தியன் சூப்பர் லீக் போட்டியில் 62-வது லீக் ஆட்டத்தில் புனே சிட்டியை வீழ்த்தி, கேரளா பிளாஸ்டர்ஸ் ஐந்தாவது வெற்றியை பெற்றது.

இந்தியன் சூப்பர் லீக் - 4 (ஐ.எஸ்.எல்.) கால்பந்து தொடரில் புனேயில் நடந்த 62-வது லீக் ஆட்டத்தில் கேரளா பிளாஸ்டர்ஸ் -  புனே சிட்டி அணிகள் மோதின.

இந்த ஆட்டத்தில் முதல் பாதியில் கோல் ஏதும் விழவில்லை. 58-வது நிமிடத்தில் கேரளாவின் ஜாக்கிசந்த்சிங் கோல் அடித்தார்.

78-வது நிமிடத்தில் கிடைத்த ‘பெனால்டி’ வாய்ப்பை புனே வீரர் எமிலியானோ அல்பாரோ கோலாக மாற்றினார்.

இதையடுத்து சமனை நோக்கி நகர்ந்த ஆட்டத்தில் கடைசி நிமிடத்தில் கேரளாவின் சி.கே.வினீத் கோல் போட்டு கேரளாவுக்கு 2-1 என்ற கோல் கணக்கில் வெற்றியை தேடித்தந்தார்.

14-வது லீக்கில் ஆடிய கேரளாவுக்கு இது 5-வது வெற்றியாகும். புனே சிட்டிக்கு 5-வது தோல்வியாகும்.