தங்கம் வென்றார் இந்திய வீரர்…
சுருக்கம்
ஆசிய லூக் சாம்பியன்ஷிப் போட்டியில் இந்திய வீரர் சிவ கேசவன் வெள்ளிக்கிழமை தங்கப் பதக்கம் வென்றார்.
ஜப்பானில் நடைபெற்ற இந்தப் போட்டியில், நிர்ணயிக்கப்பட்ட இலக்கை சிவ கேசவன் 130.4 கி.மீ. வேகத்தில் சருக்கிச் சென்று 1 நிமிடம் 39.962 விநாடிகளில் கடந்து முதலிடம் பிடித்தார்.
ஜப்பானின் டனாகா ஷோஹெய் 1 நிமிடம் 44.874 விநாடிகளில் 2-ஆவதாக வந்து வெள்ளிப் பதக்கம் வென்றார். இவர், பந்தயத்தின்போது 126.6 கி.மீ. வேகத்தில் சருக்கிச் சென்றார்.
மூன்றாவதாக, சீன தைபே வீரர் லியென் டே என் 1 நிமிடம் 45.120 விநாடிகளில் இலக்கை அடைந்தார். வெண்கலப் பதக்கம் வென்ற அவர், 124.3 கி.மீ வேகத்தில் பயணித்தார்.
சிவ கேசவன் கடந்த 2011, 2012 ஆசிய கோப்பை போட்டியிலும் தங்கம் வென்றது குறிப்பிடத்தக்கது.
இந்நிலையில், ஆஸ்திரியாவின் இன்ஸ்புருக் நகரில் அடுத்த ஆண்டு நடைபெறவுள்ள உலக சாம்பியன்ஷிப் போட்டியில் சிவ கேசவன் பங்கேற்கிறார்.
அதைத் தொடர்ந்து, தென் கொரியாவில் 2018-ஆம் ஆண்டு நடைபெறும் குளிர்கால ஒலிம்பிக் போட்டிக்கு தகுதிபெறும் வகையில் உலகக் கோப்பை லூக் போட்டியிலும் பங்கேற்க உள்ளார்.
கிரிக்கெட் மற்றும் விளையாட்டு உலகின் (Sports News in Tamil) நிமிட நிமிட தமிழ் செய்தி அப்டேட்களுக்காக ஏஷ்யாநெட் தமிழ்-ஐ பின்பற்றுங்கள். IPL லைவ் உட்பட டீம் இந்தியாவின் பிரேக்கிங் நியூஸ் (Cricket News in Tamil), சிறப்பு ரிப்போர்ட்கள் மற்றும் நேரலைகளுடன் முழுமையான தகவல்கள் உங்களுக்கு ஒரே கிளிக்கில் கிடைக்கும். ஏஷ்யாநெட் தமிழ் அதிகாரப்பூர்வ ஆப்பைப் டவுன்லோடு செய்து அனைத்து அப்டேட்களையும் பெறுங்கள்.