Hockey: தென் கொரியாவை எதிர்கொள்ளும் இந்தியா: நம்பர் 1 இடத்தில் நீடிக்குமா?

ஆசிய சாம்பியன்ஸ் டிராபி ஹாக்கி தொடரில் இன்று நடக்கும் போட்டியில் இந்தியா மற்றும் கொரியா அணிகள் மோதுகின்றன.

கடந்த 3 ஆம் தேதி முதல் 7ஆவது ஆசிய சாம்பியன்ஸ் டிராபி ஹாக்கி தொடர் நடந்து வருகிறது. வரும் 12 ஆம் தேதி வரையில் நடைபெறும் இந்த தொடரில் இந்தியா, சீனா, பாகிஸ்தான், தென் கொரியா, மலேசியா, ஜப்பான் ஆகிய 6 அணிகள் இடம் பெற்று விளையாடி வருகின்றன. இந்தியா மற்றும் பாகிஸ்தான் அணிகள் தலா 3 முறை ஆண்களுக்கான ஆசிய ஹாக்கி டிராபியை கைப்பற்றியுள்ளன. தென் கொரியா அணி ஒரு முறை டிராபியை கைப்பற்றி உள்ளது.

இந்த நிலையில், இன்று 3 போட்டிகள் நடக்கிறது. 4 மணிக்கு தொடங்கும் போட்டியில் ஜப்பான் மற்றும் மலேசியா அணிகள் மோதுகின்றன. இதுவரையில் நடந்த 3 போட்டிகளில் ஜப்பான் 3 போட்டியிலும் தோல்வி அடைந்துள்ளது. மலேசியா 3 போட்டிகளில் விளையாடி 2ல் வெற்றி பெற்று புள்ளிப்பட்டியலில் 2ஆவது இடத்தில் உள்ளது.

இரவு 6.15 மணிக்கு தொடங்கும் மற்றொரு போட்டியில், பாகிஸ்தான் மற்றும் சீனா அணிகள் மோதுகின்றன. இதுவரையில் இரு அணிகளும் 3 போட்டிகளில் விளையாடியுள்ளன. ஆனால், 3 போட்டிகளிலும் தோல்வி அடைந்து புள்ளிப்பட்டியலில் அடுத்தடுத்த இடங்களை பிடித்துள்ளன.

இரவு 8.30 மணிக்கு நடக்கும் போட்டியில் இந்தியா மற்றும் தென் கொரியா அணிகள் மோதுகின்றன. இதில், 3 போட்டிகளில் விளையாடி ஒரு போட்டியில் வெற்றி பெற்று 5 புள்ளிகளுடன் 3ஆவது இடத்தில் உள்ளது. இதே போன்று இந்தியா 3 போட்டிகளில் விளையாடி 2 போட்டிகளில் வெற்றி பெற்று 7 புள்ளிகளுடன் புள்ளிப்பட்டியலில் முதலிடத்தில் உள்ளது.

இதுவரையில் இந்தியா 13 கோல் அடித்துள்ளது. அதுமட்டுமின்றி கிடைத்த பெனால்டி கார்னர் வாய்ப்பு மூலமாக 10 கோல் வரையில் அடித்துள்ளது. இதில் இந்திய கேப்டன் ஹர்மன்ப்ரீத் சிங் அதிகபட்சமாக 4 கோல் வரையில் அடித்துள்ளார்.