Hockey World Cup 2023: வேல்ஸ் அணியை 4-2 என்ற கோல் கணக்கில் வீழ்த்தி இந்தியா அபார வெற்றி..!

ஹாக்கி உலக கோப்பையில் வேல்ஸ் அணியை 4-2 என்ற கோல் கணக்கில் வீழ்த்தி வெற்றி பெற்ற இந்திய அணி, காலிறுதிக்கு தகுதிபெறுவதற்கான  

ஹாக்கி உலக கோப்பை தொடர் ஒடிசாவில் விறுவிறுப்பாக நடந்துவருகிறது. பிரிவு டி-யில் இடம்பெற்றுள்ள இந்திய அணி, முதல் போட்டியில் ஸ்பெய்னை வீழ்த்தி வெற்றி பெற்றது. இங்கிலாந்துக்கு எதிரான அடுத்த போட்டி டிராவானது.

இன்று நடந்த போட்டியில் இந்திய அணி வேல்ஸ் அணியை எதிர்கொண்டது. இந்த போட்டியின் முதல் பாதி ஆட்டத்தில் இந்திய அணி 2 கோல்கள் அடிக்க, மூன்றாவது கால் பகுதி ஆட்டத்தில் வேல்ஸ் அணி 2 கோல்கள் அடித்து சமன் செய்தது. 

கடைசி கால் பகுதி ஆட்டத்தில் வெற்றியை கருத்தில்கொண்டு அபாரமாக ஆடிய இந்திய அணி 2 கோல்கள் அடிக்க, கடைசியில் 4-2 என்ற கோல் கணக்கில் வெற்றி பெற்றது இந்திய அணி.

கிராஸ் ஓவர் போட்டியில் நியூசிலாந்தை எதிர்கொள்கிறது இந்திய அணி. அதில் ஜெயித்தால் காலிறுதிக்கு முன்னேறலாம்.