தோனி, ரெய்னா, ஹர்பஜன் சிங் ஆகிய மூன்று வீரர்களின் மகள்களும் ஒன்றாக இணைந்து விளையாடும் வீடியோ சமூக வலைதளங்களில் வைரலாகி வருகிறது.
ஐபிஎல் 11வது சீசன் சிறப்பாக நடந்துவருகிறது. இரண்டு ஆண்டுகள் தடைக்கு பிறகு, மீண்டும் தோனி தலைமையில் களமிறங்கியுள்ள சென்னை அணி, சிறப்பாக ஆடிவருகிறது. இந்த ஐபிஎல் தொடரில் ஹர்பஜன் சிங் சென்னை அணிக்காக ஆடிவருகிறார்.
சென்னை அணிக்காக ஏலத்தில் எடுக்கப்பட்டதிலிருந்தே டுவிட்டரில் தமிழில் டுவீட் போட்டு அசத்திவருகிறார். விளம்பரங்களிலும் புரோமோ வீடியோக்களிலும் சென்னை வீரர்கள் ஒன்றாக நடித்து அசத்திவருகின்றனர்.
இந்நிலையில், தோனி, ரெய்னா, ஹர்பஜன் சிங் ஆகிய மூன்று வீரர்களின் மகள்களும் ஒன்றாக இணைந்து விளையாடும் வீடியோவை சுரேஷ் ரெய்னா தனது டுவிட்டர் பக்கத்தில் வெளியிட்டுள்ளார்.
<blockquote class="twitter-tweet" data-lang="en"><p lang="no" dir="ltr">Ring a ring ò roses ❤️❤️❤️ <a href="https://twitter.com/harbhajan_singh?ref_src=twsrc%5Etfw">@harbhajan_singh</a> <a href="https://twitter.com/msdhoni?ref_src=twsrc%5Etfw">@msdhoni</a> <a href="https://twitter.com/hashtag/Hinaya?src=hash&ref_src=twsrc%5Etfw">#Hinaya</a> <a href="https://twitter.com/hashtag/Ziva?src=hash&ref_src=twsrc%5Etfw">#Ziva</a> <a href="https://twitter.com/hashtag/Gracia?src=hash&ref_src=twsrc%5Etfw">#Gracia</a> <a href="https://t.co/xAXPqsVG9a">pic.twitter.com/xAXPqsVG9a</a></p>— Suresh Raina (@ImRaina) <a href="https://twitter.com/ImRaina/status/990478642714103808?ref_src=twsrc%5Etfw">April 29, 2018</a></blockquote>
<script async src="https://platform.twitter.com/widgets.js" charset="utf-8"></script>
அதில், தோனியின் மகள் ஸிவா, ரெய்னாவின் மகள் கிரேஸியா மற்றும் ஹர்பஜன் சிங்கின் மகள் ஹினயா ஆகிய மூவரும் கைகோர்த்து மழலை குரலில் ரிங்கா ரிங்கா ரோஸ் பாடல் பாடி விளையாடுகின்றனர். இந்த வீடியோவை ரசிகர்கள் வைரலாக்கி உள்ளனர்.