☰
ஆஸ்திரேலிய கிரிக்கெட் வீரர் டேவிட் வார்னர் தெலுங்கு படத்தில் நடித்துள்ளார். அவர் ஸ்ரீலீலாவுடன் குத்தாட்டம் போட்ட வீடியோ வைரலாகி வருகிறது.
David Warner dances! Amazing dance with Srileela and Ketika Sharma at the Robinhood Pre-Release Event!: தெலுங்கு திரையுலகில் நிதின் மற்றும் ஸ்ரீலீலா நடிப்பில் உருவாகியுள்ள திரைப்படம் 'ராபின்ஹுட்'. வரும் 28-ம் தேதி திரையரங்குகளில் வெளிவரவிருக்கும் இந்த படத்தில் ஆஸ்திரேலிய கிரிக்கெட் வீரர் டேவிட் வார்னர் ஒரு சிறப்பு கதாபாத்திரத்தில் நடித்துள்ளார். இந்த படத்தின் பிரமாண்டமான பிரீ-ரிலீஸ் நிகழ்ச்சி நேற்று ஹைதராபாத்தில் நடைபெற்றது.
தெலுங்கு படத்தில் நடித்த டேவிட் வார்னர்
இந்த விழாவில் டேவிட் வார்னர் உள்பட படக்குழுவினர் அனைவரும் கலந்துகொண்டனர். அப்போது மேடை ஏறிய டேவிட் வார்னர் நடிகைகளுடன் ஆட்டம் போட்டு அசத்தினார். மேலும் 'புஷ்பா' பாடலின் ஸ்டெப் போட்டு அனைவரையும் கவர்ந்தார். ராபின்ஹுட் இயக்குனர் வெங்கி குடுமுலா தெலுங்கில் ஏதாவது சொல்லும்படி வார்னரிடம் கேட்டபோது, வார்னர் "நேனு நின்னு பிரேமிஸ்டுன்னானு (ஐ லவ் யூ)" என்று கூறி அனைவரையும் மகிழ்வித்தார்.
ipl
திரைப்படக் குழுவினரைப் பாராட்டினார்
இந்த விழாவில் பேசிய டேவிட் வார்னர், திரைப்படக் குழுவினரைப் பாராட்டினார், மேலும் ராபின்ஹுட் பற்றி சில நல்ல விஷயங்களையும் கூறினார். நமஸ்காரம் என்று தொடங்கி பேச ஆரம்பித்த டேவிட் வார்னர் "கடந்த 15 ஆண்டுகளாக அன்பு மற்றும் ஆதரவு அளித்த உங்கள் அனைவருக்கும் என் இதயத்தின் அடிப்பகுதியில் இருந்து நன்றி தெரிவிக்க விரும்புகிறேன். திரைப்படத் துறையில் நுழைவது மிகவும் பதட்டமாக இருந்தது'' என்றார்.
சிஎஸ்கேவுக்கு பயம் காட்டிய ஆட்டோ ஓட்டுநர் மகன்! 3 முக்கிய விக்கெட்! யார் இந்த விக்னேஷ் புதூர்?
மிகவும் பிரமாண்டமாக இருக்கும்
தொடர்ந்து பேசிய வார்னர், ''இந்த படத்தில் நடித்ததில் நான் தாழ்மையுடன் இருக்கிறேன். உங்கள் குடும்பத்தில் என்னை வரவேற்றதற்காக நான் பணிவுடன், மரியாதையுடன், உங்கள் அனைவரையும் பாக்கியமாக உணர்கிறேன். நான் பார்த்ததிலிருந்து, இந்த படம் மிகவும் அற்புதமாகத் தெரிகிறது. இந்த படம் மிகவும் பிரமாண்டமாக இருக்கும் என்று உறுதியாக நம்புகிறேன்'' என்று தெரிவித்தார்.
ராபின்ஹுட் கதை என்ன?
மைத்ரி மூவி மேக்கர்ஸ் தயாரித்த ராபின்ஹுட் திரைப்படம் மார்ச் 28, 2025 அன்று திரையரங்குகளில் வெளியிடப்பட உள்ளது. இந்தப் படத்தில் நிதின், ஹனி சிங் என்ற தலைப்பில் நடிக்கிறார், பணக்காரர்களிடமிருந்து திருடி ஏழைகளுக்குக் கொடுக்கும் ஒரு கவர்ச்சிகரமான திருடனை இந்த படம் மையக்கருவாக கொண்டுள்ளது. இந்த படத்தில் வெண்ணிலா கிஷோர், ராஜேந்திர பிரசாத், தேவதத்த நாகே, ஷைன் டாம் சாக்கோ, ஆடுகளம் நரேன் மற்றும் மைம் கோபி ஆகியோரும் நடித்துள்ளது குறிப்பிடத்தக்கது.
'தல' தோனி தரிசனம் பார்த்த 30.5 கோடி பேர்! ரசிகர்களால் குலுங்கிய சேப்பாக்கம் மைதானம்!
சேனலை கிளிக் செய்து பின்தொடரவும்