ஐபிஎஸ் கிரிக்கெட் போட்டி…. சிஎஸ்கே அணிக்கு 166 ரன்கள் இலக்கு….

chennai vs mumbai ipl cricket target 166 runs to csk

11 வது ஐபிஎல் கிரிக்கெட் தொடரில் மும்பைக்கு எதிரான முதல் போட்டியில் சென்னை அணிக்கு மும்பை அணி 166 ரன்கள் இலக்கு நிர்ணயித்துள்ளது. கடைசி 3 ஓவர்களில்  பாண்ட்யா சகோதரர்கள் மிகச் சிறப்பாக சிளையாடி மும்பை அணியின் ஸ்கோரை உயர்த்தினர்.

ரசிகர்களின் மிகுந்த எதிர்பார்ப்புக்கு மத்தியில் 11-வது ஐ.பி.எல். 20 ஓவர் கிரிக்கெட் போட்டி இன்று முதல் மே 27-ந்தேதி வரை இந்தியாவின் 10 நகரங்களில் நடைபெறுகிறது. இதில் பங்கேற்கும் 8 அணிகளும் தங்களுக்குள் ‘உள்ளூர்-வெளியூர்’ அடிப்படையில் தலா 2 முறை மோத வேண்டும். லீக் முடிவில் டாப்-4 இடங்களை பிடிக்கும் அணிகள் இறுதிப்போட்டிக்கு முந்தைய ‘பிளே-ஆப்’ சுற்றுக்கு முன்னேறும்.

இந்த போட்டி தொடங்குவதற்கு முன் சரியாக இரவு 6.15 மணிக்கு ஐபிஎல் 11-வது சீசன் தொடங்கியது. ஐபிஎல் சேர்மன் ராஜீவ் சுக்லா தொடங்கி வைத்தார்.  பாலிவுட் நடிகர் வருண் தவான் ஆடலுடன் கலைநிகழ்ச்சி தொடங்கியது.

மும்பைக்கு எதிரான முதல் போட்டியில்,  டாஸ் வென்ற சென்னை அணி கேப்டன் தோனி பந்துவீச்சை தேர்வுசெய்தார்.   2 ஆண்டுகள் தடைக்குப் பிறகு களமிறங்கியுள்ள சென்னை சூப்பர் கிங்ஸ் அணி அதன் பரம எதிரியான மும்பை இண்டியன்ஸ் அணியை எதிர்த்து விளையாடியது.

முதலில் களமிறங்கிய மும்பை இந்தியன்ஸ் அணி நிர்ணயிக்கப்பட்ட 20 ஓவர்களில் 4 விக்கெட் இழப்புக்கு 165 ரன்கள் எடுத்தது. அதிகபட்சமாக இஷான் கிஷன் 40, சூர்யகுமார் யாதவ் 43, க்ருணால் பாண்டியா 41* ரன்கள் விளாசினார். சென்னை சூப்பர் கிங்ஸ் தரப்பில் ஷேன் வாட்சன் 2 விக்கெட்டுகளை வீழ்த்தினார்.

இதையடுத்து சிஎஸ்கே அணி தற்போது விளையாடி வருகிறது. இதில் சென்னை அணிக்கு 166 ரன்கள் இலக்கு நிர்ணயிக்கப்பட்டுள்ளது