ஆஸ்திரேலியன் ஓபன் டென்னிஸ்: விளையாட முடியாமல் விலகினார் ரஃபேல் நடால்...

Australian Open Tennis Rafael Nadal to quit to play

ஆஸ்திரேலியன் ஓபன் டென்னிஸ் காலிறுதிச் சுற்றில் காயம் காரணமாக தொடர்ந்து விளையாட முடியாமல் ஸ்பெயினின் ரஃபேல் நடால் 5-வது செட்டில் விலகுவதாக அறிவித்து விலகினார்.

மெல்போர்ன் நகரில் நடைபெற்று வரும் ஆஸ்திரேலியன் ஓபன் டென்னிஸ் போட்டியில் உலகின் முதல் நிலை வீரரான நடால் - உலகின் 6-ஆம் நிலை வீரரான மரின் சிலிச் ஆகியோர் காலிறுதியில் மோதினர்.

கடைசி செட்டின்போது நடாலுக்குக் காயம் ஏற்பட்டது. இதனால் அவரால் ஆட்டத்தைத் தொடரமுடியாத நிலை ஏற்பட்டது. காலிறுதியில் காயம் காரணமாக தொடர்ந்து விளையாட முடியாமல் 5-வது செட்டில் விலகுவதாக ஸ்பெயினின் ரஃபேல் நடால் அறிவித்தார்.

இதனால், நேற்று நடைபெற்ற ஆடவர் ஒற்றையர் பிரிவு ஆட்டத்தில், 3-6, 6-3, 6-7 (5-7), 6-2, 2-0 என்ற செட் கணக்கில் குரோஷியாவின் மரீன் சிலிச் வெற்றி பெற்றார்.

இதன்மூலம் மரீன் சிலிச், 2-வது முறையாக அரையிறுதிச் சுற்றுக்கு முன்னேறியுள்ளார்.

சர்வதேச ஒற்றையர் தரவரிசையில் முதல் இடத்தில் உள்ள வீரரும், ஆஸ்திரேலியன் ஓபன் முன்னாள் சாம்பியனுமான நடால், கடந்த ஆண்டு இறுதிச்சுற்று வரை முன்னேறி தோல்வியைச் சந்தித்தார் என்பது குறிப்பிடத்தக்கது.