இலங்கையை தோற்கடித்து பயிற்சி ஆட்டத்தில் பட்டையை கிளப்பியது ஆஸ்திரேலியா…

Australia beat sri lanka in practice match...

சாம்பியன்ஸ் டிராபி கிரிக்கெட் போட்டியின் பயிற்சி ஆட்டத்தில் இலங்கையை வென்று பட்டையை கிளப்பியது ஆஸ்திரேலியா.

சாம்பியன்ஸ் டிராபி கிரிக்கெட் போட்டியின் பயிற்சி ஆட்டம் இலங்கை – ஆஸ்திரேலியா இடையே இலண்டனில் நேற்று நடைபெற்றது.

இந்த ஆட்டத்தில் டாஸ் வென்ற ஆஸ்திரேலியா முதலில் பந்துவீச தீர்மானித்தது. பேட் செய்த இலங்கை அணியில் கேப்டன் மேத்தியூஸ் அதிகபட்சமாக 106 பந்துகளில் 9 பவுண்டரி, 2 சிக்ஸர்களுடன் 95 ஓட்டங்கள் எடுத்தார்.

தொடக்க வீரர் திக்வெல்லா 41 ஓட்டங்கள், உபுல் தரங்கா 13 ஓட்டங்கள், மெண்டிஸ் 5 ஓட்டங்கள், சண்டிமல் 17 ஓட்டங்கள், கபுகெடரா 30 ஓட்டங்கள், சீகுகே பிரசன்னா 31 ஓட்டங்களில் வீழ்ந்தனர்.

குணரத்னே 70 ஓட்டங்கள், திசர பெரெரா 1 ஒட்டத்துடன் ஆட்டமிழக்காமல் இருந்தனர்.

ஆஸ்திரேலியத் தரப்பில் மொய்ஸஸ் ஹென்ரிக்ஸ் அதிகபட்சமாக 3 விக்கெட்டுகள் வீழ்த்தினார்.

பின்னர் களமிறங்கிய ஆஸ்திரேலிய அணியில் ஆரோன் ஃபிஞ்ச் அதிகபட்சமாக 109 பந்துகளில் 11 பவுண்டரி, 6 சிக்ஸர்களுடன் 137 ஓட்டங்கள் எடுத்தார்.

கேப்டன் வார்னர் 19 ஓட்டங்கள், கிறிஸ் லின் 19 ஓட்டங்கள், ஹென்ரிக்ஸ் 10 ஓட்டங்கள், மேத்யு வேட் 13 ஓட்டங்கள், ஸ்டாய்னிஸ் 15 ஓட்டங்கள், பட்டின்சன் 9 ஓட்டங்கள் எடுத்தனர்.

டிராவிஸ் ஹெட் 85 ஓட்டங்கள், பட் கம்மின்ஸ் 4 ஓட்டங்களுடன் ஆட்டமிழக்காமல் இருந்தனர்.

இலங்கை தரப்பில் நுவன் பிரதீப் அதிகபட்சமாக 3 விக்கெட்டுகள் வீழ்த்தினார்.

முதலில் பேட் செய்து 50 ஓவர்களில் 7 விக்கெட் இழப்புக்கு 318 ஓட்டங்கள் எடுத்த இலங்கை அணியை, அடுத்து பேட் செய்த ஆஸ்திரேலியா 49.4 ஓவர்களில் 8 விக்கெட் இழப்புக்கு 319 ஓட்டங்கள் எடுத்து வெற்றிக் கொண்டது.

இதன்மூலம் பயிற்சி ஆட்டத்திலேயே பட்டையை கிளப்பி நாங்கள் நல்ல ஃபார்மில் இருப்பதை உறுதிப்படுத்தி உள்ளது ஆஸ்திரேலியா.