மகளிர் டி20 உலக கோப்பை: க்ரூப் ஏ-வின் டாப் 2 அணிகள் ஆஸ்திரேலியா - இலங்கை பலப்பரீட்சை! டாஸ் ரிப்போர்ட்

மகளிர் டி20 உலக கோப்பையில் இலங்கைக்கு எதிரான போட்டியில் டாஸ் வென்ற ஆஸ்திரேலிய அணி ஃபீல்டிங்கை தேர்வு செய்தது.  

மகளிர் டி20 உலக கோப்பை தொடர் விறுவிறுப்பாக நடந்துவருகிறது. ஆஸ்திரேலியா, இலங்கை, தென்னாப்பிரிக்கா, வங்கதேசம், நியூசிலாந்து ஆகிய 5 அணிகளும் க்ரூப் ஏ பிரிவில் இடம்பெற்றுள்ளன. இந்தியா, பாகிஸ்தான், இங்கிலாந்து, வெஸ்ட் இண்டீஸ், அயர்லாந்து ஆகிய 5 அணிகளும் க்ரூப் பி-யில் இடம்பெற்றுள்ளன.

க்ரூப் ஏ-வில் ஆடிய 2 போட்டிகளிலும் வெற்றி பெற்று ஆஸ்திரேலியா மற்றும் இலங்கை அணிகள் புள்ளி பட்டியலில் முதலிரண்டு இடங்களில் உள்ளனர். க்ரூப் பி-யில் ஆடிய 2 போட்டிகளிலும் இங்கிலாந்து மற்றும் இந்தியா ஆகிய 2 அணிகளும் முதலிரண்டு இடங்களில் உள்ளனர்.

க்ரூப் ஏ-வில் டாப் 2 இடங்களில் உள்ள ஆஸ்திரேலியா மற்றும் இலங்கை அணிகள் இன்று மோதுகின்றன. இந்த போட்டியில் டாஸ் வென்ற ஆஸ்திரேலிய அணி ஃபீல்டிங்கை தேர்வு செய்தது.

ஆஸ்திரேலிய மகளிர் அணி:

அலைஸா ஹீலி (விக்கெட் கீப்பர்), பெத் மூனி, மெக் லானிங் (கேப்டன்), ஆஷ்லே கார்ட்னெர், எலைஸ் பெர்ரி, டாலியா மெக்ராத், கிரேஸ் ஹாரிஸ், ஜார்ஜியா வேர்ஹாம், அலானா கிங், மேகன் ஸ்கட், டார்ஸி பிரௌன்.

இலங்கை மகளிர் அணி:

ஹர்ஷிதா சமரவிக்ரமா, சமரி அத்தப்பத்து (கேப்டன்), விஷ்மி குணரத்னே, அனுஷ்கா சஞ்சீவனி (விக்கெட் கீப்பர்), நிலக்‌ஷி டி சில்வா, மல்ஷா ஷெஹானி, ஒஷாஃபி ரணசிங்கே, அமா காஞ்சனா, சுகந்திகா குமாரி, இனோகா ரணவீரா, அச்சினி குலசூரியா.