#SLvsIND கடைசி ஒருநாள் போட்டி: இந்திய அணியின் உத்தேச ஆடும் லெவன்

இலங்கைக்கு எதிரான 3வது மற்றும் கடைசி ஒருநாள் போட்டியில் களமிறங்கும் இந்திய அணியின் உத்தேச ஆடும் லெவனை பார்ப்போம்.  

இந்தியா - இலங்கை இடையேயான முதல் ஒருநாள் போட்டியில் இலங்கை அணி நிர்ணயித்த 263 ரன்கள் என்ற இலக்கை 37வது ஓவரிலேயே அடித்து 7 விக்கெட் வித்தியாசத்தில் அபார வெற்றி பெற்ற இந்திய அணி, 2வது ஒருநாள் போட்டியில் தீபக் சாஹரின் பொறுப்பான பேட்டிங்கால்(69*) 276 ரன்கள் என்ற இலக்கை விரட்டி 3 விக்கெட் வித்தியாசத்தில் வெற்றி பெற்றது.

முதல் 2 போட்டிகளிலும் வெற்றி பெற்று இந்திய அணி தொடரை வென்றுவிட்ட நிலையில், கடைசி ஒருநாள் போட்டி வரும் 23ம் தேதி நடக்கிறது. இந்திய அணி தொடரை வென்றுவிட்டதால், கடைசி போட்டியில், முதல் 2 போட்டிகளில் ஆடாத வீரர்களில் ஒருசிலருக்கு வாய்ப்பு கொடுக்கமுடியும். ஆனால், முதல் 2 போட்டிகளில் ஆடிய வீரர்களே அணியில் தங்களுக்கான நிரந்தர இடத்தை தேடிக்கொண்டிருப்பதால், அவர்களில் யாரையும் தூக்க வாய்ப்பில்லை.

எனவே கடைசி ஒருநாள் போட்டிக்கான இந்திய அணியில் எந்த மாற்றமும் செய்யப்பட வாய்ப்பில்லை. முதல் 2 போட்டிகளில் ஆடிய அதே ஆடும் லெவன் காம்பினேஷனுடன் தான் களமிறங்கும்.

உத்தேச இந்திய அணி:

ஷிகர் தவான்(கேப்டன்), பிரித்வி ஷா, இஷான் கிஷன்(விக்கெட் கீப்பர்), மனீஷ் பாண்டே, சூர்யகுமார் யாதவ், ஹர்திக் பாண்டியா, க்ருணல் பாண்டியா, தீபக் சாஹர், புவனேஷ்வர் குமார், குல்தீப் யாதவ், யுஸ்வேந்திர சாஹல்.