கடைசில வந்து காப்பாத்தி கொடுத்த வாஷிங்டன் சுந்தர்; சீகம் மதுரை பாந்தர்ஸ் 141 ரன்கள் குவிப்பு!

சேப்பாக்கம் சூப்பர் கில்லீஸ் அணிக்கு எதிரான போட்டியில் சீகம் மதுரை பாந்தர்ஸ் அணி 141 ரன்கள் எடுத்துள்ளது.

தமிழ்நாடு பிரீமியர் லீக் தொடர் எனப்படும் டிஎன்பிஎல் தொடரின் இன்றைய 18ஆவது போட்டியில் சேப்பாக்கம் சூப்பர் கில்லீஸ் மற்றும் சீகம் மதுரை பாந்தர்ஸ் அணிகள் மோதின. இதில், முதலில் டாஸ் வென்ற சேப்பாக்கம் சூப்பர் கில்லீஸ் அணி பவுலிங் தேர்வு செய்தது. அதன்படி சீகம் மதுரை பாந்தர்ஸ் அணி பேட்டிங் ஆடியது.

இதில், வரிசையாக தொடக்க வீரர்கள் ஆதித்யா 6 ரன்னும், ஹரி நிஷாந்த் ரன்னும், ஜே கௌசிக் 4 ரன்னும், லோகேஷ்வர் 6 ரன்னும் எடுத்து ஆட்டமிழந்தனர். அடுத்து வந்த ஸ்ரீ அபிஷேக் 21 ரன்னிலும், ஸ்வப்னில் சிங் 11 ரன்னும் எடுத்து ஆட்டமிழந்தனர். தீபன் லிங்கேஷ் 9 ரன்னில் ஆட்டமிழக்க சீகம் மதுரை பாந்தர்ஸ் அணி 14.1 ஓவர்களில் 7 விக்கெட் இழப்பிற்கு 79 ரன்கள் எடுத்தது.

கடைசியாக வாஷிங்டன் சுந்தர் தனது அதிரடி ஆட்டத்தை வெளிப்படுத்த வாஷிங்டன் சுந்தர் 30 பந்துகளில் 5 சிக்ஸர்கள், 2 பவுண்டரி உள்பட 56 ரன்கள் எடுத்து கடைசி வரை ஆட்டமிழக்காமல் களத்தில் இருந்தார். இறுதியாக சீகம் மதுரை பாந்தர்ஸ் அணி 20 ஓவர்களில் 7 விக்கெட் இழப்பிற்கு 141 ரன்கள் எடுத்தது. பந்து வீச்சு தரப்பில் சேப்பாக்கம் சூப்பர் கில்லீஸ் அணியில் சிலம்பரசன் மற்றும் பாபா அபராஜித் தலா 2 விக்கெட்டுகள் கைப்பற்றினர். ராமலிங்கம் ரோகித் மற்றும் ராஹில் ஷா ஆகியோர் தலா ஒரு விக்கெட்டுகள் கைப்பற்றினர்.